Невядомы графіціст, Дашкевіч і Human Constanta сталі чэмпіёнамі грамадзянскай супольнасці — 2016
23 снежня Асамблея няўрадавых дэмакратычных арганізацый адзначыла найбольш значныя падзеі ў грамадскім сектары штогадовай прэміяй «Чэмпіён грамадзянскай супольнасці».
У намінацыі «Грамадскі лідар года» перамог Зміцер Дашкевіч.
Прэмію «Новая ініцыятыва» атрымала ўстанова «Human Constanta», якая займаецца абаронай правоў уцекачоў і мігрантаў.
У намінацыі «Крэатыў года» адзначылі невядомага мастака, які дамаляваў калючы дрот на прапагандысцкім графіці «Мінск-Масква». Відавочна, ён не прыйшоў на прэмію, але перадаў пасланне.
«Медыяактыўнасць года» па версіі журы стаў анлайн-часопіс «Імёны».
У намінацыі «Партнерства года» перамагла платформа Talaka.by.
«Рэгіянальнай падзеяй» абралі кампанію ў абарону гісторыка-культурнага раёна Менску «Асмалоўка».
Журналістам года па версіі Аасамблеі стала Галіна Абакунчык з радыё «Свабода».
«Кампаніяй года» была прызнаная ініцыятыва збору подпісаў за наданне бел-чырвона-беламу сцягу статусу гісторыка-культурнай каштоўнасці.
Жартаўлівую антыпрэмію «Гарбуз» атрымалі супрацоўнікі ГУУС Мінгарвыканкама, якія ў гэтым годзе затрымалі ўдзельнікаў негвалтоўнай акцыі раварыстаў «Крытычная маса».
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары