Дуа Ліпа і Калум Тэрнер ажэняцца на наступным тыдні. Вяселле будзе казачным
Галоўная еўрапейская поп-зорка і брытанскі акцёр возьмуць шлюб у Італіі, а цырымонія расцягнецца на тры тыдні і абяцае стаць галоўнай свецкай падзеяй сезона.
30‑гадовая спявачка і 36‑гадовы брытанец абвясцілі пра заручыны ў чэрвені мінулага года пасля рамантычнай прапановы Калума на Раство. Першапачаткова закаханыя планавалі сціплую цырымонію для самых блізкіх, але маштаб іх планаў значна вырас, піша Daily Mail.
«Першапачатковы план прадугледжваў камернае вяселле, але цяпер усё ператварылася ў маштабную раскошную падзею працягласцю тры дні. Пара арандавала некалькі велізарных пляцовак для гэтага шматдзённага экстравагантнага свята», — цытуе выданне The Sun словы сваёй крыніцы.
Дакладныя месцы правядзення трымаюцца ў строгай таямніцы з меркаванняў бяспекі: фанаты спявачкі ўжо гатовыя штурмаваць італьянскае ўзбярэжжа, каб убачыць нявесту.
Спіс гасцей чакаецца надзвычай прадстаўнічы. Сярод запрошаных сяброў са свету шоу-бізнэсу ўжо называюцца спявачкі Charli XCX і Tove Lo.
Але галоўнай інтрыгай застаюцца чуткі пра выступленне легенды музычнай індустрыі: кажуць, што на вяселлі праспявае сам Элтан Джон, з якім Дуа Ліпа запісала суперхіт Cold Heart у 2021 годзе.
Цяпер будучыя маладажоны актыўна завяршаюць апошнія падрыхтоўкі. Дуа і Калум штодня трэніруюцца разам у элітным закрытым клубе 180 House у London. Сама спявачка прызнаецца сябрам, што лічыць дні да таго моманту, калі пойдзе да алтара.
Дуа Ліпа нарадзілася ў 1995 годзе ў Лондане ў сям'і эмігрантаў з Косава. У 2008 годзе, пасля таго, як Косава абвясціла незалежнасць, сям'я вярнулася ў Прышціну. Дуа Ліпа ў 2015 годзе пераехала ў Лондан вучыцца музыцы.
Першы альбом выйшаў у 2016 годзе, а стрэліў, стаўшы шалёны папулярным, Future Nostalgia, які спявачка выпусціла ўвесну 2020 года ў часы лакдаўну. Альбом стаў №1 у Англіі, праз год ён заваяваў «Грэмі». Трэці альбом Radical Optimism таксама здабыў вялікую папулярнасць.
Летам 2016 года Дуа разам са сваім бацькам стварыла фонд Sunny Hill Foundation, накіраваны на дапамогу жыхарам Косава. У 2025 годзе яна прыняла грамадзянства Косава.
Цяпер чытаюць
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў88
Каментары