Pakul vyrašajucca roznahałośsi z Rasijaj, jakaja vykazvaje pretenzii da jakaści biełaruskich praduktaŭ, naša kraina šukaje novyja rynki zbytu. Usiaho biełaruskija pradukty da 31 śniežnia raźjeducca pa 58 krainach. Sioleta ŭ śpis dadalisia Ispanija, Šviejcaryja i Danija, paviedamlaje tut.by sa spasyłkaj na telekanał ANT.
«Nu, viadoma, treba pakazvać zuby i abaraniać svaju vytvorčaść. Niahledziačy na ciažkaści, my sioleta ekspart «zrabili» 104% u fizičnym ekvivalencie, tak što ŭsio pryjdzie, viadoma, u normu», — raspavioŭ u efiry telekanała namieśnik premjer-ministra Biełarusi Michaił Rusy.
Jon taksama dadaŭ, što pradukcyju biaruć u nas pa dobrych cenach, što dazvalaje pracavać rentabielna. «Hałoŭnaje, navučycca jaje jašče bolš vyrablać, lepš pierapracoŭvać», — adznačyŭ Rusy.
Ciapier u tak zvanym stop-liście Raśsielhasnahladu — 20 biełaruskich pradpryjemstvaŭ. Siarod ich siem miasnych i dźvie ptuškafabryki. Pry hetym z dalokaha zamiežža biełaruski bałyk, kumpiački, miasa ptuški čakajuć u Iardanii, Vjetnamie, Izraili, Kienii, Hankonhu. Bližej — u 10 jeŭrapiejskich krainach. Tut Minsku daviarajuć biezumoŭna. Jak paćviardžeńnie — Biełaruś sioleta zaniała źmiennuju pazicyju lidara ŭ jeŭrapiejskim biuro Suśvietnaj arhanizacyi, jakaja zajmajecca vieterynarnym zdaroŭjem žyvioł.
Pa małaku i jaho vytvornych siońnia biełaruski bok prapanuje susiedziam na bazie kamisii Jeŭrazijskaha ekanamičnaha sajuza stvaryć adziny ŭsim zrazumieły standart, kab u pieršuju čarhu vyklučyć tak zvanuju brudnuju łabaratoryju, kali proby biaruć pa tydni abo ŭ nieprydatnych umovach na miažy.
Jak raniej raspavioŭ ministr sielskaj haspadarki i charčavańnia Leanid Zajac, Biełaruś pastaŭlaje pradukcyju ŭ 58 krain śvietu, i nijakich rekłamacyj i pretenzij da nas nie pastupała.
Nahadajem, kiraŭnik Raśsielhasnahladu Siarhiej Dankviert abvinavaciŭ Biełaruś u tym, što kraina aktyŭna karystajecca situacyjaj, kali rasijski rynak zakryli dla pastavak ź ES, Ukrainy, i pavodzić siabie pry hetym niadobrasumlenna. Ahučanyja im pretenzii tyčylisia nie tolki reekspartu sankcyjnaj pradukcyi, ale i jakaści biełaruskaha małaka.
U adkaz na heta Alaksandr Łukašenka rezka raskrytykavaŭ kiraŭnika rasijskaha viedamstva i papraknuŭ urad u tym, što jon zachoŭvaje maŭčańnie ŭ adkaz na niespraviadlivyja abvinavačvańni.
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii34
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary