Ministr zamiežnych spraŭ Biełarusi Uładzimir Makiej zaklikaŭ dypłamataŭ adnavić i ŭmacavać uzrovień davieru pamiž krainami.Pra heta jon zajaviŭ na tradycyjnaj sustrečy z akredytavanymi ŭ krainie kiraŭnikami dypłamatyčnych pradstaŭnictvaŭ i pradstaŭnictvaŭ mižnarodnych arhanizacyj z nahody navahodnich i kaladnych śviataŭ.
«Ja chacieŭ by, kab my adnavili toj uzrovień davieru, jaki byŭ chacia b niekatory čas tamu, i ŭmacavali hety davier — davier u śviecie, davier pamiž našymi krainami, davier pamiž našymi narodami. My ŭ Biełarusi budziem pracavać tolki ŭ hetym napramku. My zaŭsiody hatovy nie stvarać prablemy, a ŭnosić svoj układ u stvaralny praces», — skazaŭ Uładzimir Makiej.
Jon padziakavaŭ dypłamatam za toje, što pryniali zaprašeńnie pryniać udzieł u sustrečy. «Hod byŭ ciažki i nieadnaznačny. Tak, u nas finansava-ekanamičny kryzis. Jość prablemy, ale ja dumaju, što my ich paśpiachova pieraadolejem», — adznačyŭ jon.
Ministr padkreśliŭ i pazityŭnyja padziei, u liku jakich - źniaćcie ź Biełarusi bolšaści sankcyj, a taksama paśpiachovaje praviadzieńnie parłamienckich vybaraŭ. «Ale nam nie patrebna supakojvacca, tamu što apošniaja sustreča ministraŭ zamiežnych spraŭ u Hamburhu pakazała, što prorva niedavieru pamiž krainami na siońniašni dzień vialikaja. Na moj pohlad, samaja vialikaja prablema — adsutnaść davieru. Ja ŭspaminaju słovy byłoha prezidenta Hiermanii Jochaniesa Rau. Jon skazaŭ, što tam, dzie adsutničaje davier, kirujuć niaŭpeŭnienaść i navat strach, a strach pierad budučym - heta samy nadziejny šlach dla taho, kab my prajhrali heta budučaje. Absalutna pravilnyja i važnyja słovy», — ličyć Uładzimir Makiej.
Sustreča Uładzimira Makieja i žonki z akredytavanymi ŭ krainie kiraŭnikami dypłamatyčnych pradstaŭnictvaŭ i pradstaŭnictvaŭ mižnarodnych arhanizacyj z žonkami z nahody navahodnich i kaladnych śviat prajšła ŭ STAA «Juvielirny zavod «Zorka». «My chacieli b, kab vy paznajomilisia z čaścinkaj kultury Biełarusi, z ekanamičnym patencyjałam», — skazaŭ jon.
Śviatočnuju atmaśfieru viečara stvaryła vystupleńnie strunnaha kvarteta «Alta», choru Voca band i kamiernaha arkiestra Elite Orchestra. Metaj tradycyjnych navahodnich sustreč, jakija pravodziacca z 2013 hoda, źjaŭlajecca papularyzacyja histaryčnaj spadčyny, a taksama ekanamičnaha patencyjału i kulturnych tradycyj Biełarusi.
Kamientary