Z navapołackaha «Naftana» i mikaševickaha «Hranitu» buduć źniatyja pa try ački ŭ čempijanacie Biełarusi pa futbole 2017 hoda. Takoje rašeńnie było pryniata na pasiadžeńni kamiteta pa statusie i pierachodach futbalistaŭ Biełaruskaj fiederacyi futboła, paviedamiła 16 śniežnia pres-słužba BFF.
Abodva kłuby pakaranyja ŭ suviazi z «sistematyčnym nievykanańniem rašeńniaŭ kamiteta BFF pa statusie i pierachodach futbalistaŭ u dačynieńni da pahašeńnia najaŭnych zapazyčanaściaŭ».
«Naftan» nastupny čempijanat praviadzie ŭ vyšejšaj lizie, «Hranit» — u pieršaj.
«Kali nazvanyja kłuby nie buduć vykonvać rašeńni kamiteta da 31 studzienia 2017 hoda, to buduć pazbaŭlenyja jašče adnaho ačka. U vypadku nievykanańnia rašeńnia i ŭ dalejšym hetaja miera budzie prymianiacca ŭ kancy kožnaha nastupnaha miesiaca až da startu siezonu», — havorycca ŭ paviedamleńni.
Kamientary