Rasijskaja kampanija «Hrand Ekspres», jakaja źjaŭlajecca akcyjanieram Asipovickaha vahonabudaŭničaha zavoda (AVZ), niezadavolenaja pavodzinami ŭładaŭ Biełarusi. Sprava ŭ tym, što likvidnaja majomaść zavoda pierajšła dziaržavie, a sama jurydyčnaja asoba zapuščana ŭ praceduru bankructva. U suviazi z hetym rasijski bok pahražaje sudom Biełarusi, vynikaje ź lista «Hrand Ekspres», dasłanaha TUT.BY.
Ideja stvareńnia ŭłasnaj vahonabudaŭničaj vytvorčaści była ahučana Alaksandram Łukašenkam kala 10 hadoŭ tamu. Zaklik byŭ padtrymany hrupaj rasijskich i biełaruskich kampanij. U 2008 hodzie była padpisanaja inviestycyjnaja damova. Na bazie vahonaramontnaha depo ŭ Asipovičach byŭ stvorany «Asipovicki vahonabudaŭničy zavod». Jaho akcyjanierami stali Biełaruskaja čyhunka (BČ) (26% akcyj) i rasijskaja kampanija «Hrand Ekspres» (74%).
Prajektnaja mahutnaść asipovickaha zavoda pavinna była dasiahnuć 2,5 tysiačy hruzavych vahonaŭ i 2 tysiač tank-kantejnieraŭ u hod. Ale vyjści na hetyja abjomy nie ŭdałosia. Ułady Biełarusi ličyli, što ŭ hetym vinavaty rasijski akcyjanier, jaki nie tolki marudziŭ z uvodam zavoda, nie zabiaśpiečyŭ zbyt, ale i vydatkavaŭ nie abiacanyja pramyja zamiežnyja inviestycyi, a šmatmiljonnuju pazyku pad 11,5% hadavych.
Čytać całkam
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary