Kasacyjny sud Jehipta admianiŭ prysud na pažyćciovaje źniavoleńnie dla byłoha prezidenta krainy Machamieda Mursi i pryznačyŭ paŭtornaje raźbiralnictva, paviedamlaje BBC.
Havorka idzie pra kryminalnuju spravu ŭ adnosinach da Mursi pa abvinavačvańni ŭ špijanažy na karyść palestynskaj hrupoŭki «CHAMAS».
Na minułym tydni kasacyjny sud admianiŭ śmiarotny prysud Mursi.
Eks-prezident byŭ prysudžany da śmiarotnaha pakarańnia pa kryminalnaj spravie ab udziele ŭ masavych biesparadkach i arhanizacyi ŭciokaŭ źniavolenych z turmy padčas paŭstańnia ŭ 2011 hodzie, jakoje pryviało da źviaržeńnia režymu Chośni Mubaraka.
Jašče adzin vyniesieny Mursi prysud — da 20 hadoŭ turmy pa spravie ab krovapralićci la prezidenckaha pałaca ŭ 2012 hodzie — zastajecca ŭ sile.
Usiaho ŭ dačynieńni da Mursi, jaki znachodzicca ŭ źniavoleńni z momantu jaho źviaržeńnia ŭ lipieni 2013 hoda, byli raspačaty čatyry kryminalnyja spravy.
U 2012 hodzie paśla źviaržeńnia Chośni Mubaraka Mursi pieramoh na vybarach prezidenta krainy, staŭšy pieršym demakratyčna abranym prezidentam u historyi Jehipta. Praz hod jon byŭ źmieščany z pasady ŭ vyniku vajennaha pieravarotu.
Z času źviaržeńnia ŭrada Mursi siabry ruchu «Braty-musulmanie» i inšyja jaho prychilniki padvierhlisia pieraśledam.
Novy vajenny ŭrad Jehipta abviaściŭ «Bratoŭ-musulman» terarystyčnaj arhanizacyjaj, a dziejnaść ruchu apynułasia pad zabaronaj.
Jehipieckija sudy za karotki čas prysudzili sotni prychilnikaŭ Mursi da śmiarotnaha pakarańnia. Pravaabaroncy padviarhali krytycy jehipieckuju sudovuju sistemu i sumniavalisia ŭ spraviadlivaści prysudaŭ.
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary