U Kijevie aktyvisty nacyjanalistyčnych arhanizacyj uviečary 21 listapada razhramili na Vialikaj Vasilkaŭskaj vulicy ofis arhanizacyi «Ukrainski vybar» Viktara Miedźviedčuka, jakoha nazyvajuć «kumam» prezidenta RF Uładzimira Pucina. Heta adbyłosia paśla mitynhu ŭ honar treciaj hadaviny pačatku Jeŭramajdanu, jaki prajšoŭ na Majdanie Niezaležnaści.
Pa słovach karespandenta «Mieduzy», u pahromie ŭdzielničali kala 20-30 čałaviek, u tym liku siabry Arhanizacyi ŭkrainskich nacyjanalistaŭ (AUN) i «Čornaha kamiteta». Aktyvisty raźbili ŭ budynku vokny i kinuli ŭnutr fajery, u vyniku čaho pačaŭsia pažar. U ciapierašni čas ahoń u pamiaškańni patušany.
Paśla hetaha aktyvisty raźbili škło ŭ adździaleńni «Śbierbanka» (da 2013 hoda aficyjna nazyvaŭsia — «Daččyny Bank Śbierbanka Rasii», abo «Śbierbank Rasii»; isnuje taksama «Oŝadbank», abo «Dieržavnij oŝadnij bank Ukrajini») na vulicy Lva Tałstoha i ŭčynili pahrom ŭnutry. Da budynka prybyli palicejskija. Infarmacyi pra zatrymańni niama.
Raniej na Majdanie Niezaležnaści prajšła akcyja ŭ honar treciaj hadaviny pačatku Jeŭramajdanu. Pamiž palicejskimi i niekatorymi ŭdzielnikami, jakija pasprabavali padpalić aŭtamabilnyja pakryški, adbylisia sutyčki.
Nacjonaliści demolują biuro Medwedczuka pic.twitter.com/zD5oAD3zQh
Viktar Miedźviadčuk — ukrainski palityk, lidar ruchu «Ukrainski vybar», jaki da Jeŭramajdanu vystupaŭ suprać intehracyi ź Jeŭrasajuzam i za zbližeńnie z Rasijaj. Jon ličycca čałaviekam, blizkim da prezidenta RF Uładzimira Pucina; jaho nazyvajuć «kumam» Pucina z-za taho, što ŭ 2004 hodzie, pavodle danych ŚMI, Pucin staŭ chrosnym baćkam jaho dački.
Kamientary