Mierkavańni pra toje, što Rasija moža napaści na Biełaruś, źjaŭlajucca absalutnymi domysłami, zajaviŭ ministr zamiežnych spraŭ Uładzimir Makiej u intervju polskaj haziecie «Reč Paspalita». Stenahrama intervju apublikavanaja 17 kastryčnika na sajcie MZS.
«Ja razumieju vašu podbiŭku, što, maŭlaŭ, Rasija napała na Ukrainu i, moža być, kali Biełaruś nie spadabajecca, i na Biełaruś zachoča napaści. Heta, ja liču, absalutnyja domysły, takoha nikoli, dumaju, nie budzie. I ŭ Rasii pra takoje nie dumajuć, — ličyć Makiej. — Dla Biełarusi było b dzika, tamu što my nastolki pieraplecienyja čysta čałaviečymi poviaziami, što my adčuvajem siabie sapraŭdy adzinym narodam. U nas stvoranyja adnolkavyja ŭmovy dla rasijan u Biełarusi i biełarusaŭ u Rasii. U hetym płanie my nie adčuvajem siabie čužymi ŭ Rasii, a rasijanie nie adčuvajuć siabie čužymi ŭ nas. Tamu, navat zychodziačy z čysta zvyčajnaha razumieńnia na takim prostym čałaviečym uzroŭni, ja adnaznačna pierakanany, što takija idei možna nazvać varjackimi».
Pry hetym Makiej adznačyŭ, što lubaja dziaržava dla svajoj abarony pavinna mieć mocnuju armiju, tamu ŭ Biełarusi nadajecca vialikaja ŭvaha pavyšeńniu ŭzroŭniu bojehatoŭnaści Uzbrojenych sił.
«U nas nievialikaja armija. My nie źbirajemsia vajavać ci supraćstajać niejkim hłabalnym, suśvietnym dziaržavam. Viadoma, my nie zmožam vajavać z vojskam ZŠA, ci Kitaja, abo kahości inšaha. U nas i ŭ płanach hetaha niama, — skazaŭ dypłamat. — U nas vyklučna abarončaja stratehija. My starajemsia, jak ja ŭžo skazaŭ, padtrymlivać uzrovień bajazdolnaści Uzbrojenych sił».
Makiej taksama zajaviŭ: «Što datyčyć u pryncypie razvažańnia pra toje, chto napadzie na Biełaruś, to ja nie dumaju, što niechta, va ŭsiakim vypadku ŭ ciapierašni čas, maje niejkija ahresiŭnyja płany ŭ adnosinach da Biełarusi — ni na Zachadzie, ni na Uschodzie, ni na Poŭnačy, ni na Poŭdni».
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary