Cyrymoniju rehistracyi šlubu dazvolili pravodzić pa-za pamiaškańniem zahsaŭ
Urad pastanovaj ad 15 kastryčnika 2016 h. № 826 pašyryŭ pieralik dadatkovych płatnych pasłuh, što akazvajucca orhanami, jakija rehistrujuć akty hramadzianskaha stanu, paviedamiła pres-słužba Saŭmina.
Nazvanyja płatnyja pasłuhi akazvajucca adździełami zapisu aktaŭ hramadzianskaha stanu rajonnych, haradskich vykanaŭčych kamitetaŭ i miascovych administracyj rajonaŭ u haradach, damami (pałacami) hramadzianskich abradaŭ haradskich vykanaŭčych kamitetaŭ, pasiałkovymi i sielskimi vykanaŭčymi i rasparadčymi orhanami, konsulskimi ŭstanovami, a taksama dypłamatyčnymi pradstaŭnictvami Biełarusi ŭ vypadku vykanańnia imi konsulskich funkcyj.
Pastanova detalizuje paradak akazańnia pasłuh rehistracyi zaklučeńnia šlubu abo rehistracyi naradžeńnia va ŭračystaj abstanoŭcy.
Rehistracyju šlubu možna pravieści pa indyvidualnym scenaryi z vykarystańniem roznych elemientaŭ i atrybutaŭ pa-za pamiaškańniem zahsa. Miescam cyrymonii mohuć być pamiaškańni ŭstanoŭ kultury, pamiaškańni, raźmieščanyja ŭ histaryčnych i pamiatnych miescach, terytoryja abjektaŭ, jakija źjaŭlajucca pomnikami historyi ci architektury, architekturnyja ansambli, balnicy, ułasnaje miesca pražyvańnia i inš.
Dadatkova zamacavanaja mahčymaść zahsaŭ pravodzić cyrymonii, pryśviečanyja pamiatnym datam šlubnaha žyćcia (srebnaje, załatoje viasielle i inš.).
Miascovym savietam deputataŭ rekamiendavana pry nieabchodnaści nakiroŭvać hrošy, atrymanyja ad akazańnia dadatkovych płatnych pasłuh orhanami zahsa, na ŭmacavańnie ich materyjalna-techničnaj bazy.
Pastanova nabyvaje moc 1 studzienia 2017 hoda.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty15
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary