U Ńju-Jorku prezientavali 10-y vypusk almanacha biełaruskaj emihracyi
15 kastryčnika ŭ Ńju-Jorku u Mižnarodnym domie marakoŭ padčas pasiadžeńnia Biełaruska-amierykanskaha zadzinočańnia «Pahonia» adbyłasia prezientacyja jubilejnaha, dziasiataha, vypusku litaraturnaha almanacha «Biełarus». Śviata sabrała bolš za 70 čałaviek.
Pa tradycyi adkryŭ śviatočnuju imprezu vydaviec i hałoŭny redaktar Marat Kłakocki. Jon koratka nahadaŭ pra historyju vydańnia i jaho aŭtaraŭ, jakija dasyłajuć jamu svaje tvory z 10 krainaŭ svvietu, źviarnuŭšy uvahu na toje, što adzin sa stałych i samych plonnych aŭtaraŭ - Maks Ščur - litaralna dniami byŭ uhanaravany premijaj Hiedrojca.
Dalej słova atrymaŭ Vitaŭt Kipiel — patryjarch biełaruskaj emihracyi, fundatar i natchnialnik almanacha. Jon raskazaŭ ab roli, jakuju adyhryvali i adyhryvajuć padobnyja vydańni ŭ raźvićci biełaruskaj litaratury zamiežža i stanaŭleńni biełaruskamoŭnych aŭtaraŭ. Bo almanach hurtuje vakoł siabie nie tolki prafiesijnych, stałych majstroŭ, ale i adkryvaje novyja, maładyja talenty, niekatoryja ź jakich adčuli natchnieńnie pisać pa biełarusku, tolki apynuŭšysia za miažoj. Takimi «adkryćciami» stali Juraś Michied, Maryna Kražova, Hanna Šarko.
Prysutnyja na imprezie aŭtary čytali svaje tvory: Vital Zajka - vieršy, Valancina Jakimovič — uspaminy. Zianon Paźniak priezientavaŭ hetym razam karotkija fiłasofskija vieršy-traciny i piaciradkoviki, a Siaržuk Sokałaŭ Vojuš — svaje «Biełaruskija nacyjanalistyčnyja kazki» i niekalki pierakładaŭ sioletniaha Nobieleŭskaha łaŭreata Boba Dyłana.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar10
Kamientary