Z novaha hoda biełarusy i turysty, jakija buduć jechać ź Jeŭrasajuza ŭ Biełaruś, nie zmohuć kupić biaspošlinnyja tavary ŭ Duty free.
Infarmacyju paćvierdziła načalnica adździeła kamunikacyj mytnaj słužby Litvy Hienryka Rukšynienie. Jana paviedamiła, što zabaronu biaspošlinnaha handlu na aŭtadarožnych propuskach na źniešnich miežach ES vyklikała dyrektyva Jeŭrasajuza. Duty free zastanucca tolki ŭ aeraportach.
U litoŭskim Duty free biełarusy mahli kupić elitnyja ałkaholnyja napoi, parfumieryju suśvietnych brendaŭ. Košt błoka biełaruskich cyharet u kramach biaspošlinnaha handlu pačynajecca ad 3,3 jeŭra (krychu tańniej, čym u kramach), a pravozić u Biełaruś možna 10 pačkaŭ.
Pavodle nieaficyjnaj infarmacyi, likvidacyja kram źviazanaja ź niezakonnym abarotam u kramach ałkaholu i cyharet. Padobnaja pryčyna ŭžo «zakryvała» kramy biaspošlinnaha handlu na miežach ź biełaruskaha boku. Z 2007 hodzie Duty free zastalisia tolki ŭ Nacyjanalnym aeraporcie Minsk. Adnak praz šeść hadoŭ, u listapadzie 2013 hoda, kramy adnavili pracu. U asartymiencie źjavilisia tavary biełaruskaj vytvorčaści, kuplać stali z pašpartam, tałonam i pad prycełam kamier videanazirańnia.
Darečy, nie vyklučana, što paśla zakryćcia «šopa» u punkcie propusku Pryvałka — Rajhardas, Duty free źjavicca ź biełaruskaha boku.
Nahadajem, pa dziejnych normach, u Biełaruś ź Jeŭropy paŭnaletnim možna ŭvozić nie bolš za 200 cyharet (10 pačkaŭ) i 3 litry ałkaholu. Tyja, chto jedzie na aŭtamabili čaściej za adzin raz na tydzień, mohuć vieźci litr, a ravarysty — 0,5 litra.
Ciapier čytajuć
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»31
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary