Zbornaja Biełarusi prajhrała ŭ matčy adboračnaha turniru čempijanatu śvietu pa futbole Niderłandam ź likam 1:4.
Hulnia prajšła ŭ Raterdamie (jość taki horad niedzie ŭ Jeŭropie:) ).
U pieršym tajmie dvojčy vyznačyŭsia Kvinsi Promies — 2:0 (15 i 31-ja chviliny).
U pačatku druhoha tajma (47-ja chvilina) Alaksiej Ryas padaryŭ pramień nadziei. Ale Davi Kłaasen i Vinsent Jensen (55-ja i 64-ja chviliny) rasstavili ŭsie mahčymyja kropki.
U našaj adboračnaj hrupie Francyja siońnia z takim ža likam razhramiła Bałharyju — 4:1, Šviecyja ŭ haściach vyjhrała ŭ Luksiemburha — 1:0.
Paśla 2 turaŭ: Francyja, Niderłandy, Šviecyja — 4, Bałharyja — 3, Biełaruś — 1, Luksiemburh — 0.
Ź cikavych vynikaŭ: Farery ŭ haściach pieramahli Łatviju 2:0.
U paniadziełak, 10 kastryčnika, biełarusy na Barysaŭ-Arenie hulajuć ź Luksiemburham.
Kamientary