Biełaruskamu piśmieńniku Niłu Symonaviču Hileviču siońnia spoŭniłasia b 85 hadoŭ. Narodny paet Biełarusi pamior 29 sakavika 2016 hoda.
Čytajcie taksama: «Byŭ čas, byŭ viek, była epocha». Piać faktaŭ pra Niła Hileviča.
Iścina, adviečnaja, jak śviet
Iscina, adviečnaja, jak śviet:
Ščaście chodzić tolki ŭ pary z horam.
Za nadziejaj — bol źniavieru ŭśled.
Za pašanaj — prynižeńnia soram.
Za śviatłom znachodki — horyč straty,
Za ahniom lubvi — razłuki śnieh.
Za abdymkami — padnožka zdrady…
Iscina, adviečnaja, jak śviet.
Jak ža stałasia?
Nie pavierać, napeŭna, naščadki,
Što takija byli ŭ nas paradki,
Što durnili nas tak vierchavody —
Nienaviśniki našaj svabody,
Našaj movy, i knihi, i pieśni,
Našych skarbaŭ i našych śviatyń, -
Usiaho, što my ŭ dušach pranieśli
Praz stahodździaŭ śmiarotnuju styń.
Jak ža stałasia, jak heta vyjšła,
Što pad vyžłaju ščerycca vyžła,
A pad bydłam skacinicca bydła,
A pad chłusam kryŭlajecca chłus,
A pad złodziejem chmylicca złodziej,
A pad lokajem mylicca lekaj,
A pad hnusam kapošycca hnuc,
A pad hetym usim — biełarus?
My dojdziem
Za viekam viek płyvie-ciače,
A my idziem, idziem… I što ž?
O, jak daloka nam jašče
Da Biełarusi!
Užo niaŭścierp nam kryž pakut,
I my kryčym, kryčym, ale —
Nie dakryčalisia pakul
Da Biełarusi.
A moža być, jana — miraž,
I ŭsie my tryźnim? Bo čamu ž
Nie dalataje hołas naš
Da Biełarusi?
Vidać, praklaćcia znak lažyć
Na nas ad rodu, i tamu
Tak ciažka šlach nam cierabić
Da Biełarusi.
Ravuć viatry, hrymiać hramy,
Pył zaścić vočy nam, i ŭsio ž,
I ŭsio ž my dojdziem, dojdziem my
Da Biełarusi!..
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary