Viarchoŭny sud Rasii pryznaŭ zakonnaj zabaronu dziejnaści «Miedžlisa krymska-tatarskaha naroda» na terytoryi Rasii i rašeńnie ab pryznańnie arhanizacyi ekstremisckaj, paviedamlaje «Interfaks». Takim čynam, sud adchiliŭ apielacyjnuju skarhu pradstaŭnikoŭ miedžlisa.
Zajaŭniki ŭ sudzie adznačali, što krymskija tatary «majuć prava na pradstaŭleńnie svaich intaresaŭ praz pradstaŭničy orhan» i što «miedžlis jakraz i źjaŭlajecca takim demakratyčnym i vybarnym orhanam».
Na dumku jurysta arhanizacyi Kiryła Karaciejeva, prakuratura pamyłkova adniesła miedžlis da hramadskaj arhanizacyi.
Prakuror u svaju čarhu adznačaŭ, što miedžlis «maje ŭsie prykmiety hramadskaha abjadnańnia, jon zasnavany na členstvie i maje na mecie pradstaŭleńnie intaresaŭ asobnaj hrupy hramadzian». Jon taksama źviarnuŭ uvahu suda na toje, što členy miedžlisa ździajśniali ekstremisckija pravaparušeńni.
U krasaviku Viarchoŭny sud Kryma pryznaŭ abjadnańnie «Miedžlis krymska-tatarskaha naroda» ekstremisckaj arhanizacyjaj i zabaraniŭ jaho dziejnaść u Rasii.
Pazoŭ ab zabaronie arhanizacyi padała prakuror Kryma Natalla Pakłonskaja. Na jaje dumku, miedžlis nastrojeny na antyrasijskuju dziejnaść, a jaho kiraŭniki Rafat Čubaraŭ i Mustafa Džamileŭ «źjaŭlajucca maryjanietkami ŭ rukach vialikich zachodnich lalkavodaŭ, a krymska-tatarski narod vykarystoŭvajuć jak raźmiennuju manietu».
Pakłonskaja taksama prypyniła dziejnaść miedžlisa krymskich tataraŭ dla «niedapuščeńnia parušeńnia zakanadaŭstva» Rasii. Jak patłumačyła prakuror, arhanizacyi zabaranili karystacca ŭsimi ŚMI, pravodzić masavyja mierapryjemstvy, vykarystoŭvać bankaŭskija ŭkłady i «naohuł pravodzić jakuju-niebudź pracu».
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku83
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2020
Kamientary