Fatohraf, vystavu jakoha ŭ Maskvie sprabavali sarvać: «Hetaja sieryja niasie całkam antyvajenny pasył»
Biełaruski fatohraf, vystavu jakoha ŭ Maskvie sprabavali sarvać, vykazaŭ svajo rasčaravańnie, ale adnačasova i ŭpeŭnienaść u spraviadlivaści taho, što robić. «Hetaja sieryja niasie całkam antyvajenny pasył. Tamu jaje nie lubiać prychilniki vajny z abodvuch bakoŭ», — skazaŭ Alaksandr Vasiukovič «Našaj Nivie».
Nahadajem, što vystava zdymkaŭ biełaruskaha fatohrafa Alaksandra Vasiukoviča ŭ Maskvie była azmročanaja incydentam.
Vystava prajšła ŭ Sacharaŭskim centry, vystaŭleny byli raboty z prajekta «Fota na pamiać».
Vasiukovič pakazaŭ publicy fatahrafii ŭkrainskich vajskoŭcaŭ, zroblenyja ŭ zonie antyterarystyčnaj apieracyi va Ukrainie. Asablivaść fotaŭ u tym, što na ich adznačana, katory z voinaŭ zahinuŭ.
28 vieraśnia ŭ budynak uvarvaŭsia čałaviek, jaki abliŭ niekalki fatahrafij farbaj z bałončykaŭ. Jon nazvaŭ siabie jak «kandydat fiłasofskich navuk, mastak Anton Bielikaŭ».
«Na fota biełaruskaha aŭtara ŭkrainskija karniki, jaki ładzili pravakacyi ŭ Krymie i zaklikali źniščyć DNR i ŁNR», — «tłumačycca» na sajcie telekanała REN-TV.
«Zastienčivyj fašist, ułybčivyj hadienyš», — źnievažaŭ biełaruskaha fatohrafa napadnik.
Administratary vystavy vyklikali palicyju.
Cikava, što ŭ Biełarusi i Ukrainie hety prajekt Vasiukoviča vyklikaŭ krytyku niekatorych ludziej u sacyjalnych sietkach. Fatohrafa dakarali, što jon pakazaŭ ludziej achviarami, a nie hierojami.
«Škada, što ludzi nie sprabujuć razabracca ŭ čymści, a bačać, toje, što chočuć bačyć. Heta prosta jašče adno śviedčańnie taho, u jaki čas my žyviom, — skazaŭ fatohraf Alaksandr Vasiukovič «Našaj Nivie». — Nu i vielmi raduje, što znajšoŭsia tolki adzin taki čałaviek, a na adkryćci i sustrečy sa mnoj pryjšło ludziej značna bolš. Nijakaha strachu ja nie adčuvaju, — padkreśliŭ Vasiukovič. — Kali mnie treba budzie znoŭ jechać u Maskvu, to ja pajedu. Hetaja sieryja niasie całkam antyvajenny pasył. Tamu jaje nie lubiać prychilniki vajny z abodvuch bakoŭ», — adznačyŭ fatohraf.
* * *
Chłopcy, jakich bolš niama: ukrainskija sałdaty biełaruskaha fatohrafa Alaksandra Vasiukoviča
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary