Kiraŭnik Biełarusi, prezident NAK Alaksandr Łukašenka aburany dziejańniami pradstaŭnikoŭ Mižnarodnaha paralimpijskaha kamiteta ŭ dačynieńni da spartsmienaŭ i členaŭ biełaruskaj delehacyi na adkryćci Paralimpijady ŭ Rya. Pra heta zajaviła žurnalistam pres-sakratar kiraŭnika dziaržavy Natalla Ejsmant.
«Dziejańni Mižnarodnaha paralimpijskaha kamiteta praciahvajuć vyklikać ździŭleńnie. Navat žurnalisty viedajuć nie ŭsie fakty, — adznačyła pres-sakratar. — Pavodle majoj infarmacyi, sama cyrymonija, pracedura vynasu rasijskaha ściaha našaj delehacyjaj pavinna była vyhladać zusim inakš:
za našym asnoŭnym ściahanoscam-vazočnikaŭ u delehacyi vyjazdžali jašče čatyry vazočniki, i mienavita ŭ ich pry vyjeździe na stadyjon byli dva vialikija ściahi - biełaruski i rasijski. Mienavita jany pavinny byli vieźci pobač hetyja ściahi na čale biełaruskaj delehacyi. Ale mižnarodnyja spartyŭnyja funkcyjaniery niadoŭha dumajučy skrucili našych alimpijcaŭ-kalasačnikaŭ, adabrali ŭ ich hetyja ściahi i nie dazvolili ludziam cicha, spakojna i mirna vykazać svajo mierkavańnie».
«Hety fakt aburyŭ mnohich, asabliva aburyŭ prezidenta našaj krainy», - padkreśliła Natalla Ejsmant.
Jana taksama prakamientavała niadaŭniuju navinu ab tym, što biełaruski čynoŭnik, jaki vynies rasijski ściah, byŭ pazbaŭleny akredytacyi na Paralimpijadzie ŭ Rya-de-Žaniejra. «Hetym faktam taksama vielmi mnohija aburanyja. U čarhovy raz Mižnarodny paralimpijski kamitet pakazaŭ svaju tak zvanuju demakratyčnaść. Hetym faktam aburany prezident Biełarusi. Tym, što čałavieku začynili rot i ciapier nie dajuć vykonvać svaje pramyja abaviazki», - zajaviła pres-sakratar kiraŭnika dziaržavy.
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary