Bucharestu varta naŭprost damaŭlacca z Maskvoj pra abjadnańnie Małdovy z Rumynijaj. Pra heta na sustrečy sa słuchačami letniaha ŭniviersiteta Izvoru Murešułuj zajaviŭ eks-prezident Rumynii Trajan Besiesku. Na jaho dumku, prezident Rasii Uładzimir Pucin - toj «čałaviek, ź jakim možna damaŭlacca».
Na dumku rumynskaha palityka, Bucharest pavinien pryvodzić u jakaści arhumientu tuju akaličnaść, što na terytoryi Małdovy «pražyvaje rumynskaja nacyjanalnaja mienšaść».
— My pavinny havaryć hetak ža, jak Maskva, jakaja ŭziała na siabie abaviazacielstvy abaraniać ruskamoŭnych hramadzian u inšych dziaržavach. Hruntujučysia na hetaj teoryi, Rumynija maje prava razmaŭlać z Kramlom, źviartajučy ŭvahu na toje, što ŭ Małdovie pražyvaje rumynskaja nacyjanalnaja mienšaść, - zajaviŭ Besiesku.
Jon miarkuje, što pieramovy z Maskvoj buduć praciahłymi, adnak za čas ich praviadzieńnia hramadzian, jakija žadajuć uniry, stanie bolšaść.
Na dumku byłoha prezidenta, rumynskija dypłamaty pavinny być bolš aktyŭnymi. Bucharest, na jaho pohlad, pavinien być upeŭnieny, što małdoŭski parłamient nie budzie suprać takich pieramovaŭ. Jon ličyć, što ŭ vypadku, kali abjadnańnie ŭsio-taki adbudziecca, u skład dziaržavy nie ŭvojdzie Prydniastroŭje, bo Jeŭrasajuz «nie choča impartavać zamarožanyja kanflikty».
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty17
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary