«My ruskija i ŭ nas jość svaje śviaty»: što ściahanosiec alimpijskaj zbornaj Biełarusi ličyć «kłasnym»
Rašeńnie biełaruskaha Nacyjanalnaha alimpijskaha kamiteta ab tym, što ravaryst Vasil Kiryjenka paniasie dziaržaŭny ściah na adkryćci Hulniaŭ u Rya, vyklikała nieadnaznačnuju reakcyju.
Sprava ŭ tym, što niezadoŭha da Alimpijady Kiryjenka źniavažliva vykazaŭsia pra biełaruskuju movu, nazvaŭšy jaje miortvaj:
«Prabačcie, moža kaho pakryŭdžu, ale biełaruskaja mova — nie žyvaja; heta miortvaja mova, na jakoj praktyčna nichto nie razmaŭlaje. Jaje, jak liču, u prymusovym paradku naviazvajuć, prykładam, prymušajuć vyvučać maju dačku.
Ja, pa vialikim rachunku, suprać hetaha. I kali mianie zapytajuć — ci treba tak rabić — adkažu: kaniečnie, nie! Ja niekali taksama vyvučaŭ movu, navat piaciorki mieŭ, ale paśla škoły jana mnie nidzie nie prydałasia!» — skazaŭ Kiryjenka.
Bolš tysiačy čałaviek pryniali ŭdzieł u apytańni na papularnym sajcie by.tribuna.com, ci varty Vasil Kiryjenka, kab nieści biełaruski ściah. 45% udzielnikaŭ adkazali, što nie davieryli b Kiryjenku nijaki ściah, 29% ličać, što čyrvona-zialony niachaj niasie, tolki 26% ličać, što Kiryjenka varty hetaj misii biez usialakich «ale».
U supołcy belultras «UKantakcie» vyniki apytańnia jašče bolš vidavočnyja. 78% udzielnikaŭ apytańnia ličać, što Kiryjenka nie zasłužyŭ prava nieści ściah.
Vielmi cikava taksama zazirnuć u akaŭnt Vasila Kiryjenki ŭ sacyjalnaj sietcy «Adnakłaśniki», jakoj spartsmien karystajecca dastatkova rehularna, abnaŭlajučy fotazdymki. Svaich dopisaŭ Kiryjenka nie piša, ale dastatkova časta «łajkaje» inšyja dopisy, jakija potym adlustroŭvajucca ŭ jaho na ściency.
Bolšaść takich pierapostaŭ – heta zvyčajnyja aniekdoty. Ale sustrakajucca i bolš cikavyja rečy.
Naprykład, Kiryjenka paličyŭ kłasnym dopis ab tym, što ruskim varta mieć svoj dzień zakachanych. «Što za fihnia? My doŭha budziem paŭtarać za Jeŭropaj? My ruskija i ŭ nas jość svaje śviaty».
Jość niekalki zhadak Amieryki. «Amieryka, miadźviedzi ŭ nas ručnyja. Ty na čarzie!» — kaža dopis z pahrozaj u bok ZŠA.
A voś bylinny ruski asiłak, jaki źbirajecca zabić Kiery i Makkiejna, Kiryjenku takaja karcinka taksama padałasia zabaŭnaj.
Pra Biełaruś zhadak na staroncy Kiryjenki praktyčna niama. Chiba što pierapost i pryjemnaje ŭražańnie ad bresckaj škoły №1.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary