Śpisačnaja kolkaść rabotnikaŭ fiermierskich haspadarak u siarednim za minuły hod skłała 9200 čałaviek, paviedamlaje Biełstat (na 564 rabotnikaŭ bolš, čym ŭ 2014 hodzie). Jany pracavali ŭ 3017 fiermierskich haspadarkach (na 64 bolš, čym ŭ 2014 hodzie).
Bolš za ŭsio rabotnikaŭ było zaniata ŭ fiermierskich haspadarkach Minskaj vobłaści — 2308 čałaviek, krychu mienš u Bresckaj vobłaści — 2188 čałaviek. Mienš za ŭsio rabotnikaŭ pracavała ŭ fiermierskich haspadarkach Mahiloŭskaj vobłaści — 1140 čałaviek.
Pry hetym z 9,2 tysiačy čałaviek, zaniatych u fiermierskich haspadarkach, 5880 čałaviek skłali najomnyja rabotniki. Astatnija 3320 čałaviek — heta fiermiery i ich svajaki.
U raźliku na adnu fiermierskuju haspadarku davodziłasia 3,7 čałavieka.
Bolš za ŭsio rabotnikaŭ było zaniata ŭ fiermierskich haspadarkach, jakija śpiecyjalizujucca na sielskaj haspadarcy, palavańni i lasnoj haspadarcy, — 7325 čałaviek.
U apracoŭčaj pramysłovaści było zaniata 759 čałaviek, u handli, ramoncie aŭtamabilaŭ, bytavych vyrabaŭ i pradmietaŭ asabistaha karystańnia — 463, na transparcie — 330.
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»54
Kamientary