Va ŭpraŭleńni Śledčaha kamiteta pa Minskaj vobłaści skončana rasśledavańnie kryminalnaj spravy ŭ dačynieńni hrupy asob, jakija abvinavačvajucca ŭ vykradańni tavaraŭ z fur prosta padčas ruchu.
Jak paviedamiła BiełaPAN aficyjny pradstaŭnik USK Taćciana Biełanoh, pa dadzienych śledstva, 40-hadovy žychar Minskaha rajona i troje hramadzian Ukrainy, 1972, 1977 i 1978 hadoŭ naradžeńnia z krasavika pa listapad 2015 hoda ažyćciavili na terytoryi Minskaj i Bresckaj abłaściej šeść kradziažoŭ majomaści z aŭtaciahnikoŭ. U vyniku złačynnych dziejańniaŭ uron skłaŭ kala 800 młn. niedenaminavanych rubloŭ.
Kradziažy ŭčynialisia nočču padčas ruchu aŭtapojezda na aŭtadarozie M1 Brest - Minsk - miaža RF. Abvinavačanyja vysočvali na trasie samotny hruzavy aŭtamabil, uščylnuju na «Aŭdzi A6» padjazdžali da fury, pierakusvali płombirovočnych tros, uskryvali paŭpryčepy, pranikali ŭnutr i pierakładali tavar da siabie ŭ sałon: roznyja kaśmietyčnyja i chimičnyja srodki, pradukty charčavańnia. Paśla vykradzienaje zbyvali.
Padazravanyja byli zatrymanyja supracoŭnikami padraździaleńniaŭ MUS. Byli praviedzienyja pieratrusy, padčas jakich vyjaŭlena i kanfiskavana častka vykradzienaha tavaru. Na majomaść fihurantaŭ nakładzieny aryšt.
Ŭsim čaćviarym pradjaŭlenaje abvinavačvańnie ŭ ździajśnieńni kradziažoŭ hrupaj asob u asabliva bujnym pamiery (č.4 art.205 KK). Miera strymańnia z momantu ich zatrymańnia nie źmianiałasia — abvinavačanyja znachodziacca pad vartaj.
Kryminalnaja sprava pieradadziena ŭ prakuraturu dla nakiravańnia ŭ sud.
Ciapier čytajuć
Łukašenka zajaviŭ pra hatoŭnaść pryjechać u Kijeŭ68
Kamientary