BT pra incydent z farbaj: Svaim niedarečnym učynkam «malary-kidały» tolki padkreślili hramadskuju značnaść kantentu, jaki vyrablaje Biełteleradyjokampanija
Pres-słužba Biełteleradyjokampanii ŭ iraničnaj maniery prakamientavała incydent kala ŭvachodu ŭ budynak, jaki ranicaj 9 červienia zakidali farbaj.
«Rana ŭranku 9 červienia la Biełteleradyjokampanii troje ŭ maskach, nie ličačy lampačak z farbaj, ździejśnili akt sučasnaha mastactva. Nieviadomyja «razmalavali» fasad budynka čyrvonaj farbaj i, nie dačakaŭšysia vodhukaŭ art-krytykaŭ, śpiešna reciravalisia ź miesca akcyjanizmu. Pakul ekśpierty spračajucca pra jaho mastackuju kaštoŭnaść dla čałaviectva, Śledčym kamitetam raspačataja kryminalnaja sprava pa prykmietach učynieńnia złačynstva pa artykule 339 Kryminalnaha kodeksa Respubliki Biełaruś «Chulihanstva», — adznačajecca ŭ paviedamleńni.
«Zhodna z zakonam, padobnyja štuki pahražajuć aŭtaram-vykanaŭcam pakarańniem ad aryštu na termin ad paŭhoda da šaści hadoŭ pazbaŭleńnia voli, — nahadvaje pres-słužba NDTRK. — Z vyśviatleńniem asob, jakija pakinuli plamy na fasadzie budynka Biełteleradyjokampanii i na svajoj bijahrafii, proźviščy chulihanaŭ, ich nastaŭnikaŭ, a taksama miescy navučańnia stanuć viadomyja hramadskaści. Farba z fasada zmyvajecca chutka. A voś z tvaraŭ baćkoŭ i blizkich, jakija ŭbačyli svaich kreatyŭnych dziaciej u kryminalnaj chronicy prahramy «Zona Ch», čyrvań soramu sydzie nie tak chutka».
«Vidavočna, što svajoj pieradśvitalnaj vychadkaj hetyja niaščasnyja chacieli damahčysia ŭvahi ŚMI i słavy. Ale tolki prymazalisia da słavy vandałaŭ usich časoŭ i narodaŭ, jakija spalvali knihi ŭ 30-ch, jakija źniščali pomniki albo rujnavali Palmiru zusim niadaŭna. Tym samym svaim niedarečnym učynkam «malary-kidały» tolki padkreślili hramadskuju značnaść kantentu, jaki vyrablaje Biełteleradyjokampanija», — ličać aŭtary pres-relizu.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty11
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary