U papraŭčaj kałonii №22 pad Ivacevičami 3 červienia zasiliŭsia viazień. U PK-22 u asnoŭnym adbyvajuć pakarańnie pa tak zvanych narkatyčnych artykułach. Pra incydent raspaviała staršynia niezarehistravanaha «Ruchu maci 328». Fakt paćvierdzili i va Upraŭleńni Departamienta vykanańnia pakarańniaŭ pa Bresckaj vobłaści.
«Kažuć, što chłopiec vielmi adekvatny. I chłopcy, jakija ź im siadzieli tolki stanoŭča pra jaho adhukajucca», — raspaviała staršynia niezarehistravanaha «Ruchu maci 328» Łarysa Žyhar.
Viadoma, što zahinułamu jašče nie było i tryccaci, jon byŭ asudžany za raspaŭsiud narkotykaŭ na 11 hadoŭ, a na voli ŭ jaho zastałosia dvoje małaletnich dziaciej.
Jaho sukamierniki raspaviadajuć svaim svajakam, što pryčynaj usiamu mahli stać siamiejnyja prablemy. Nie vyklučajuć jany i inšaj viersii — cisk na źniavolenaha ŭ samoj kałonii.
Ivacevickaje rajonnaje ŭpraŭleńnie Śledčaha kamiteta pravodzić pravierku abstavinaŭ zdareńnia.
Kamientary