Isnuje niebiaśpieka, što ŭłady, adchiliŭšy prapanovy BDIPČ ABSIE i nie zrabiŭšy realnych krokaŭ pa demakratyzacyi i pavyšeńni prazrystaści vybarčaha pracesu, pryznačać deputatami Pałaty pradstaŭnikoŭ hramadzian, jakich pasprabujuć vydać za pradstaŭnikoŭ apazicyi. Pra heta havorycca ŭ supolnaj zajavie demakratyčnych sił Biełarusi adnosna parłamienckaj kampanii 2016 hoda.
«Dla nas padobny padychod źjaŭlajecca absalutna nieprymalnym, jaki tolki zakansiervuje situacyju adsutnaści realnych vybaraŭ u Biełarusi», — havorycca ŭ dakumiencie, što byŭ abvieščany padčas vizitu lidaraŭ apazicyi ŭ Brusiel 23—24 maja.
Zajavu padpisali sustaršynia arhkamiteta partyi «Biełaruskaja chryścijanskaja demakratyja» Vital Rymašeŭski, pieršy namieśnik staršyni ruchu «Za Svabodu» Juraś Hubarevič, staršynia Biełaruskaj partyi levych «Spraviadlivy śviet» Siarhiej Kalakin, staršynia Ab`iadnanaj hramadzianskaj partyi Anatol Labiedźka, lidar ruchu «Za dziaržaŭnaść i niezaležnaść» Uładzimir Niaklajeŭ, były palitviazień Mikałaj Statkievič i staršynia Partyi BNF Alaksiej Janukievič.
Biełaruskija ŭłady, adznačajecca ŭ zajavie, vymušanyja demanstravać žadańnie ŭličvać rekamiendacyi BDIPČ ABSIE. U pryvatnaści źmienienaja taktyka ich pavodzinaŭ: «ad zajavaŭ pra daskanałaść i demakratyčnaść vybarčaha pracesu ŭ Biełarusi dy poŭnaha niepryniaćcia rekamiendacyi BDIPČ ABSIE da demanstracyi nibyta dobraj voli i razmovaŭ pra mahčymyja źmieny».
Adnak realnyja kroki i abiacanyja źmieny, ličać pradstaŭniki apazicyi, «iduć urazrez z ducham i litaraj rekamiendacyj mižnarodnaj supolnaści i demakratyčnaj hramadskaści Biełarusi».
Hałoŭnaj i samaj vidavočnaj chibaj vybarčaha pracesu ŭ Biełarusi, adznačajecca ŭ zajavie, źjaŭlajecca nieprazrysty padlik hałasoŭ.
Va ŭmovach Biełarusi, ličać pradstaŭniki apazicyi, prazrystaść padliku harantujecca pryjarytetnym uklučeńniem pradstaŭnikoŭ palityčnych partyj i ŭsich kandydataŭ u skład vybarčych kamisij, publičnym abviaščeńniem vybaru asobna pa kožnym vybarčym biuleteni, a taksama realnaj mahčymaściu dla naziralnikaŭ nazirać za ŭsimi aśpiektami vybarčaha pracesu. Abiacanaja nibyta «adkrytaść» adnaho boku stała, na jakim pravodzicca padlik hałasoŭ, na ich dumku, nie źjaŭlajecca vyrašeńniem prablemy.
Nastupnaj ahulnapryznanaj chibaj vybaraŭ pradstaŭniki apazicyi nazyvajuć manipulacyi sa śpisami vybarcaŭ. Ništo nie pieraškadžaje stvaryć ahulnanacyjanalny publičny rejestr vybarcaŭ z padziełam na akruhi, zrabić jaho dastupnym u internecie i publična vyviešvać śpisy vybarcaŭ na kožnym vybarčym učastku da poŭnaha zakančeńnia hałasavańnia, adznačajuć jany.
Treciaj, najbolš vidavočnaj, chibaj vybarčaha pracesu nazvanaje złoŭžyvańnie praceduraj daterminovaha hałasavańnia, jakoje pavinna być abmiežavanym i pravodzicca tolki na padstavie adpaviednaha piśmovaha zapytu.
«Pieraličanyja kroki — heta tolki samyja pilnyja i tolki nieadkładnyja zachady, jakija pavinny zabiaśpiečvać prazrystaść, spraviadlivaść i demakratyčnaść vybaraŭ u Biełarusi, — adznačajecca ŭ zajavie. — Ich pryniaćcie mahčymaje praz adpaviednyja instrukcyi ad CVK u bližejšyja dni. Pryviadzieńnie ŭsiaho vybarčaha zakanadaŭstva Biełarusi ŭ adpaviednaść ź mižnarodnymi demakratyčnymi normami pavinna być zroblena z šyrokim publičnym udziełam BDIPČ ABSIE, Vieniecyjanskaj kamisii Savieta Jeŭropy, a taksama i najpierš demakratyčnych palityčnych partyjaŭ i NDA ciaham bližejšych 12 miesiacaŭ».
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary