Muzykaj stanuć uspaminy – aŭtarskaja vandroŭka sa «Śpieŭnym schodam» 4 červienia

Vy kali-niebudź śpiavali ramansy Ahinskaha na jaho siadzibie? 

4 červienia (subota) my vypravimsia ŭ Zaleśsie, kab palubavacca adnoŭlenym dyjamientam Smarhonskaha rajona – siadzibaj Michała Kleafasa Ahinskaha. Pa darozie prafiesijny ekskursavod budzie raspaviadać nam historyju miaścin, jakija my budziem prajazžać.

U Zaleśsi, u prastornaj zale, dzie vialiki kampazitar stvaraŭ suśvietnaviadomyja tvory, my svaimi hałasami dakraniemsia da cuda muzyki.

Mastacki kiraŭnik «Śpieŭnaha schoda» Siarhiej Doŭhušaŭ daść majstar-kłas i paśla hetaha ŭsie razam my napoŭnim zały siadziby śpievam ramansaŭ.

Darečy, siadzibu ŭ Zaleśsi ŭ XIX st. nazyvali «Paŭnočnymi Afinami». Takimi zrabiŭ ich naš hieroj, Michał Kleafas Ahinski, jaki žyŭ tam z 1802 pa 1822 hady. Na siadzibie zachavaŭsia duch mastackich vystavaŭ, litaraturnych čytańniaŭ i muzyčnych viečaroŭ, na jakich lubiŭ vystupać i sam haspadar. Nie zhubiŭ svaju tajamničaść i ramantyčny park, pa jakim vy zmožacie prahulacca. 

Paśla my zajedziem u Smarhoń, horad, viadomy svajoj «miadźviežaj akademijaj».

Smarhoń vielmi cikavić i relihijnymi zbudavańniami: byłym kalvinskim zboram, a siońnia kaściołam Śviatoha Michaiła Archanioła i Spasa-Preabraženskaj carkvoj. 

Taksama naviedajem unikalny kaścioł u vioscy Soły, jaki zachavaŭ niepaŭtornyja rośpisy znakamitaha biełaruskaha mastaka Piotry Sierhijeviča.

Heta azdableńnie stała samaj jaho vialikaj manumientalnaj pracaj. Darečy, miascovaść pad Sołami ŭ XVIII st. pryniała najbujniejšuju bitvu Tadevuša Kaściuški z rasijskimi vojskami, a pry kancy Pieršaj suśvietnaj, u 1917 h., u hetaj vioscy było padpisana pieramirje pamiž balšavikami i niemcami.

Pavialičyć

Čarhovaj kropkaj našaj vandroŭki budzie kaścioł Śviatoj Troicy ŭ Hierviatach. Jon ličycca adnym z najpryhažejšych chramaŭ u Biełarusi.

Pabudavany ŭ styli nieahotyki, kaścioł uražvaje svaimi formami i abjomami i, kaniečnie, vieličnym arhanam.

I jak bonus za toj doŭhi šlach, jaki my adbudziem u vandroŭcy, nas sustrenuć mury Kreŭskaha zamka.

Najlehiendarniejšaje miesca biełaruskaj historyi, dzie była padpisana Kreŭskaja ŭnija. Vy daviedajeciesia, što dała heta ŭnija Polščy, Litvie i Biełarusi. Zmožacie pamacać ścieny, dzie siadzieŭ u zatačeńni Vitaŭt i ŭbačyć pareštki viežy, jakaja stała miescam apošnich chvilin žyćcia Kiejstuta. Kala zamka nad drevami ŭznosicca pahanskaje kapišča, na jakoje možna padniacca i adčuć staražytny duch našaha kraju. 

Pa darozie ŭ Minsk taksama nie zasumujem: sumiesny śpieŭ u aŭtobusie zrobić darohu da stalicy niezabyŭnaj. 

Cana – 390 000 rubloŭ z asoby. 

Dla ŭdzielnikaŭ «Śpieŭnaha schoda» i stałym klijentam źnižka – 10%!

U košt ekskursii uvachodziać: 

1. Prajezd na turystyčnym aŭtobusie. 

2. Uvachodnyja kvitki. 

3. Ekskursijnaje absłuhoŭvańnie pa maršrucie. 

Dadatkova apłačvajecca: abied.

Telefony dla zapisu: (17) 222 33 21, (29) 650 61 02, (29) 765 25 45 (Dzianis).

OOO «BiełJuniIntierKom» UNP 190522713

• 0
• 0
• 0
• 0
• 0
• 0
• 0
• 0