Palicyja Kazachstana ŭ subotu, 21 maja, razahnała antyŭradavyja pratesty ŭ Astanie, Ałma-Acie i inšych bujnych haradach krainy. Dziasiatki čałaviek byli zatrymanyja.
U Ałma-Acie supracoŭniki pravaachoŭnych orhanaŭ, sprabujučy pieraškadžać praviadzieńniu mitynhu, ačapili terytoryju vakoł płoščy Respubliki. Za terytoryju ačapleńnia dazvalali prachodzić tolki ludziam, jakija žyvuć u hetym rajonie.
Siarod zatrymanych u Astanie byli supracoŭniki šerahu ŚMI, uklučajučy ahienctva Reuters, «Novuju hazietu» i rehijanalnaje padraździaleńnie «Radyjo Svabody». Žurnalistaŭ nieŭzabavie adpuścili, a ŭ ministerstvie MUS Kazachstana paabiacali razabracca ŭ dziejańniach supracoŭnikaŭ palicyi, jakija zatrymali žurnalistaŭ, dać im acenku i pryniać miery pa praduchileńni ŭ budučyni padobnych incydentaŭ.
«Ja ŭpeŭnieny, što heta było nienaŭmysna, adbyłosia nieparazumieńnie. U dalejšym my praanalizujem dziejańni supracoŭnikaŭ i prymiem miery, kab takich incydentaŭ nie adbyvałasia», - cytuje ahienctva «Interfaks» staršyni kamiteta administracyjnaj palicyi MUS Ihara Lapiechu. Pavodle jaho słoŭ, žurnalisty byli zatrymanyja razam z hrupaj z 20-30 čałaviek, jakija sprabavali prajści na płošču la manumienta «Bajterek» u centry horada dla praviadzieńnia niesankcyjanavanaha mitynhu.
Akcyi pratestu prachodziać u Kazachstanie z krasavika 2016 hoda.
Udzielniki mitynhaŭ pratestujuć suprać płanaŭ uładaŭ ŭnieści papraŭki ŭ ziamielnaje zakanadaŭstva, jakija praduhledžvajuć pryvatyzacyju značnych učastkaŭ sielskahaspadarčych uhodździaŭ.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić
Kamientary