U JESPČ padadzieny pazoŭ ad imia svajakoŭ achviaraŭ katastrofy Boeing pad Danieckam letam 2014 hoda, paviedamlaje Reuters sa spasyłkaj na ahienctva Fairfax Media. Pazoŭ padadzieny suprać Rasii i prezidenta Uładzimira Pucina
Svajaki achviaraŭ katastrofy rejsa MH17 avijakampanii Malaysia Airlines, jaki raźbiŭsia pad Danieckam 17 lipienia 2014 hoda, padali ŭ Jeŭrapiejski sud pa pravach čałavieka pazoŭ suprać Rasii i prezidenta Uładzimira Pucina, paviedamlaje Reuters sa spasyłkaj na aŭstralijskaje ahienctva Fairfax Media.
Pa dadzienych ahienctva, pazoŭ ad imia 33 čałaviek z Aŭstralii, Novaj Ziełandyi i Małajzii, jakija źjaŭlajucca bližejšymi svajakami zahinułych, padała aŭstralijskaja jurydyčnaja kampanija. Jon byŭ padadzieny 9 maja, pazoŭniki zapatrabavali kampiensacyju ŭ pamiery $ 10 młn za kožnaha zahinuŭšaha.
Reuters udakładniaje, što atrymać paćvierdžańnie hetaj infarmacyi, a taksama kamientary jurystaŭ, ahienctvu pakul nie ŭdałosia.
***
Pasažyrski Boeing avijakampanii Malaysia Airlines lacieŭ rejsam MH17 z Amsterdama ŭ Kuała-Łumpur. Jon raźbiŭsia na terytoryi Ukrainy niedaloka ad Daniecka i ŭpaŭ na terytoryju, zaniatuju bajevikami DNR, jakuju nie kantralavaŭ urad u Kijevie. Usie 298 čałaviek, što byli na borcie, zahinuli.
U kastryčniku 2015 hoda Rada pa biaśpiecy Niderłandaŭ pradstaviŭ vyniki techničnaha rasśledavańnia, zhodna ź jakimi samalot byŭ źbity rakietaj «ziamla — pavietra» z bojehałoŭkaj 9N314M ź zienitna-rakietnaha kompleksu «Buk». Rasśledavańnie nie adkazała na pytańnie, chto mienavita źbiŭ samalot. Aficyjna rasśledavańnie mižnarodnaj śledčaj hrupy, jakoje pavinna adkazać na hetaje pytańnie, jašče nie skončana.
Ciapier čytajuć
Łukašenka zajaviŭ pra hatoŭnaść pryjechać u Kijeŭ54
Kamientary