Ideołahi Bresckaj vobłaści pravodziać tendar na vyrab telepieradač
Hałoŭnaje ŭpraŭleńnie pa ideałahičnaj rabocie, kultury i spravach moładzi Bresckaha abłvykankama abviaściła tendar na stvareńnie telepieradač. Adziny, chto moža vykanać ŭmovy tendaru — dziaržaŭnaja «Teleradyjokampanija «Brest».
Infarmacyja pra heta raźmieščana na aficyjnym sajcie pa dziaržzakupkach u Biełarusi Icetrade.by. Aryjencirovačny košt stvareńnia 343 teleprahram — 3,3 młrd rubloŭ. Krynicaj finansavańnia źjaŭlajecca miascovy biudžet.
Upraŭleńnie ideałohii zamaŭlaje try prahramy «40 minut s hubiernatorom». Pavodle apisańnia, heta hramadska-palityčnaja analityčnaja prahrama — dyjałoh staršyni Bresckaha abłvykankama z žurnalistam pa «najbolš aktualnych napramkach žyćciadziejnaści rehijona za minuły miesiac».
«Utrieńnij espriesso» — infarmacyjna-paznavalny telečasopis. Praduhledžany vychad 130 prahram. Tematyka: «samyja śviežyja i aktualnyja naviny Brestčyny, ahlad rehijanalnaj presy, sacyjalnyja, kulturnyja i paznavalnyja rubryki ŭ farmacie infarmacyjnaha štodzionnaha telečasopisa».
«Prajm-tajm» — praduhledžany vychad 26 hramadska-palityčnych prahram u pramym efiry. Tematyka: «abmierkavańnie aktualnych tem, jakija chvalujuć roznyja płasty nasielnictva». Chranamietraž: 45 chvilin.
«Dietskoje vriemia» — 9-chvilinnaja paznavalnaja prahrama dla dziaciej, «jakaja dapamahaje vychavańniu samaidentyčnaści maleńkich hledačoŭ šlacham znajomstva ich z historyjaj, kulturaj Brestčyny ŭ hulniavoj formie». Zapłanavany vychad 184 prahram.
Mova pieradač — ruskaja i biełaruskaja.
Vyklučeńnie — dyjałoh z hubiernataram, jaki pavinien iści na ruskaj movie…
Siarod umoŭ tendaru: televizijnaja tranślacyja musić być zabiaśpiečana ŭ ličbavym farmacie i zona viaščańnia pakieta rehijanalnych prahram pavinna achoplivać nie mienš za 80 % nasielnictva Bresckaj vobłaści. Vidavočna, adziny, chto moža vykanać hetyja ŭmovy i vyjhraje tendar — «Teleradyjokampanija «Brest».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary