Dva suteniory vykrytyja ŭ Viciebsku, pryčym adzin z handlaroŭ žyvym tavaram załučyŭ u zaniatki prastytucyjaj školnicu. Pra heta raspavioŭ načalnik adździaleńnia infarmacyi i hramadskich suviaziej UUS Viciebskaha abłvykankama Andrej Siemianichin.
Suteniory byli vyjaŭlenyja ŭ Čyhunačnym rajonie abłasnoha centra. Supracoŭniki adździaleńnia pa narkakantroli i supraćdziejańni handlu ludźmi miascovaha AUS padčas apieratyŭna-vyšukovych mierapryjemstvaŭ vyjšli na 45-hadovaha žychara Viciebska, kiroŭcu taksi, jaki akramia asnoŭnaha svajho zarobku (pieravozki hramadzian) mieŭ kryminalny pryrabotak — pastaŭlaŭ klijentaŭ znajomaj prastytutcy. Za svaje pasłuhi taksist pakidaŭ sabie častku hrošaj z apłaty za seksualnyja zabavy.
Druhoha suteniora taksama vykryli supracoŭniki adździaleńnia pa narkakantroli i supraćdziejańni handlu ludźmi AUS administracyi Čyhunačnaha rajona Viciebska. 25-hadovy žychar abłasnoha centra arhanizavaŭ handal žyvym tavaram z vykarystańniem sučasnych technałohij — šukaŭ klijentaŭ u siecivie. Sutenior źmiaściŭ na adnym z sacyjalnych sajtaŭ abjavu ab pradastaŭleńni niepaŭnaletniaj dziaŭčynaj pasłuh seksualnaha charaktaru za hrošy.
Viciebskim haradskim adździełam Śledčaha kamiteta pa faktach raspačatyja kryminalnyja spravy pa č.1 art.171 KK Biełarusi (vykarystańnie zaniatku prastytucyjaj inšaj asobaj) i pa č.2 art.171 KK Biełarusi (vykarystańnie dla zaniaćcia prastytucyjaj zaviedama niepaŭnaletniaha).
Ciapier čytajuć
Pamiatajecie Daniłu z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ i z čaho ŭsio pačałosia
Kamientary