Telesiužet pra zabojstva spartsmienki Julii Bałykinaj staŭ padstavaj dla zvarotu ŭ Ministerstva infarmacyi, paviedamlaje pravaabarončy sajt spring96.org. Pravaabaronca Andrej Pałuda źviartaje ŭvahu ministra Lilii Ananič na toj fakt, što viadučy navin telekanała ANT Alaksandr Siarebranikaŭ nazvaŭ abvinavačanaha zabojcam jašče da vyniasieńnia prysudu.
Na dumku pravaabaroncy, siužet telekanała ŭpłyvaje na farmiravańnie hramadskaj dumki adnosna asoby abvinavačanaha. Uličvajučy, što sudździ — taksama častka hramadstva, heta moža paŭpłyvać na rašeńnie sudździ padčas pracesu.
«Sud, takim čynam, źviedvaje mocny ŭpłyŭ z boku rejtynhavaha srodku masavaj infarmacyi — telekanała ANT, u siužecie jakoha da abviaščeńnia prysudu ŭ kateharyčnaj formie vykazvalisia mierkavańni ab vinavataści abvinavačanaha», — adznačyŭ Pałuda ŭ liście na imia ministra infarmacyi.
Pravaabaronca źviartaje ŭvahu, što ŭ siužecie viadučy spasyłajecca na infarmacyju, atrymanuju ad Śledčaha kamiteta. Adnak padčas vyvučeńnia videa z bryfinhu, pryśviečanaha zakančeńniu rasśledavańnia zabojstva Julii Bałykinaj, raźmieščanaha na sajcie Śledčaha kamiteta, parušeńniaŭ prezumpcyi nievinavataści z boku SK nie ŭstanoŭlena.
Pałuda źviartaje ŭvahu, što prezumpcyja nievinavataści — fundamientalny pryncyp, harantavany Kanstytucyjaj: nichto nie moža być pryznany vinavatym u złačynstvie, kali jaho vina nie budzie ŭ vyznačanym zakonam paradku dakazanaja i ŭstanoŭlenaja prysudam suda, jaki nabyŭ zakonnuju moc.
«Prezumpcyja nievinavataści nie tolki kanstytucyjnaja harantyja, ale i norma žurnalisckaj etyki, — ličyć Pałuda. — Luby čałaviek źjaŭlajecca nievinavatym, pakul u dačynieńni da jaho nie budzie vyniesienaje kančatkovaja pastanova, jakaja nie padlahaje abskardžańniu. Nie žurnalist vyznačaje, chto źjaŭlajecca złačyncam. Hetaja prerahatyva naležyć sudu i nikomu bolš. Da vyniasieńnia kančatkovaha prysudu luby hramadzianin, jaki prachodzić pa spravie ŭ jakaści padazronaha, abvinavačanaha ci padsudnaha, znachodzicca pad achovaj prezumpcyi nievinavataści. Žurnalist abaviazany pravilna i piśmienna vykarystoŭvać terminy, što vyznačajuć jurydyčny status asoby, u dačynieńni da jakoj uzbudžany kryminalny pieraśled».
Pravaabaronca prapanuje Ministerstvu infarmacyi vynieści ANT piśmovaje papiaredžańnie i pravieści rastłumačalnuju pracu z pradstaŭnikami telekanała ab niedapuščeńni ŭ budučyni takich vypadkaŭ.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary