U Małdovie spalili aŭto biznesoŭcy, jaki dapamoh raskryć mižnarodnuju schiemu kantrabandy sadaviny praź Biełaruś
Za niekalki dzion da padpału ź jahonym partneram u Biełarusi sustreŭsia biełaruski biznesoviec, jaki papiaredziŭ, što ŭ taho «chutka pačnucca prablemy».
U małdoŭskim horadzie Hładeń spalili aŭtamabil koštam 40 tysiač eŭra, pieradaje partał pan.md.
Jon naležaŭ biznesoŭcu, jaki dapamoh raskryć mižnarodnuju schiemu reekspartu sadaviny z Zachodniaj Eŭropy ŭ Biełaruś i Rasieju. Pra toje, jak polskija jabłyki pad vyhladam małdoŭskich uvozili ŭ Biełaruś, pisała Svaboda.
Unačy z 15 na 16 sakavika nieviadomyja ŭzłamali haraž miascovaha ekspartera sadaviny. Jany padpalili jahony aŭtamabil Mercedes-Benz ML Caught 2012 hodu vypusku.
Što heta naŭmysny padpał, paćvierdzili ŭ miascovaj upravie MUS. Palicejskija skazali, što ŭžo majuć padazravanych.
Aŭtamabil naležyć Iharu Myrzu. Da 2013 hodu jon razam z eks-kiraŭnikom fitasanitarnaj słužby Małdovy Alaksandru Čabanu byŭ suzasnavalnikam małdoŭskaj kampanii «Bijapłanpratekt».
«Miarkuju, što heta papiaredžańnie mižnarodnaj hrupoŭki, jakuju mohuć kuryravać ludzi z prybałtyjskaj mafii, małdoŭski biznesoŭca Arciom Doraš i fitasanitar Alaksandru Čabanu, a taksama hrupa aficeraŭ z Nacyjanalnaha centru pa baraćbie z karupcyjaj. Ja liču, što heta namiok na toje, što ŭsie małdaŭskija vytvorcy i ekspartery pavinny pracavać pa praviłach zhadanaj hrupy ludziej, to bok płacić kamu treba i tady, kali skažuć», — paviedamiŭ Myrza.
Pra mižnarodnaje žurnalisckaje raśśledavańnie RISE Moldova i Newsmaker užo pisała Svaboda. RISE vyśvietliŭ, jak čynoŭniki j biznesoŭcy ź siami krain uvieźli z Eŭraźviazu ŭ Biełaruś i Rasieju bolš za 20 tysiač ton sadaviny pad vyhladam małdoŭskich.
Myrza apavioŭ, što za niekalki dzion da padpału ź jahonym partneram u Biełarusi sustreŭsia biełaruski biznesoviec, jaki papiaredziŭ, što ŭ Myrzy «chutka pačnucca prablemy».
«Hety biełaruski pasiarednik taksama vykazaŭ abureńnie tym, što nibyta ja pieradaŭ žurnalistam telefony litoŭskaha pradprymalnika Madestas», — skazaŭ Myrza ŭ kamentary pan.md.
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary