Haradskoj radzie Vilenskaj meryi pradstaviać prajekt, u adpaviednaści ź jakim z 2017 hoda ŭ Vilni ŭviaduć «padatak na padušku» u pamiery 1 jeŭra za načleh.
«My možam sabrać hrošy, jakija buduć płacić hości horada, a na ich raźvivać infrastrukturu horada, zaachvočvać avijarejsy i pryciahvać novych turystaŭ i da t.p. Ciapier heta robiać na hrošy biudžetu, ale biudžetnyja srodki možna vykarystoŭvać bolš racyjanalna», — skazaŭ vice- mer Vilni Hintaŭtas Pałuckas.
Miž tym kiraŭnik Nacyjanalnaj asacyjacyi turbiźniesu Žydre Havialenie ličyć, što Vilnia maje patrebu ŭ inviestycyjach dla raźvićcia markietynhu za miažoj.
«My ŭžo ciapier bačym, što Vilnia prajhraje ŭ kankurentnaj baraćbie za turystaŭ Ryzie i Talinu. Turysty ź vialikim zadavalnieńniem traciać hrošy ŭ stalicach Łatvii i Estonii. Kali atrymajecca ŭvieści hety padatak z 1 lipienia i metazhodna vykarystoŭvać jaho dla markietynhu za miažoj, dumaju, što heta budzie dobraj inviestycyjaj. Jana vielmi patrebnaja ŭ dadzieny momant», — skazała Havialenie.
Takuju inicyjatyvu abmiarkoŭvali letam minułaha hoda, adnak tady pytańnie adkłali, pakolki kirujučaja kaalicyja nie uzhadniła svaje pazicyi.
Ciapier čytajuć
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»32
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary