Ministerstva ŭnutranych spraŭ Biełarusi pačało raspracoŭku novaha vadzicielskaha paśviedčańnia. U paraŭnańni ź ciapierašnim jano budzie mieć dadatkovuju stupień achovy.
Ministerstva ŭnutranych spraŭ Biełarusi pačało raspracoŭku novych uzoraŭ vadzicielskich paśviedčańniaŭ. Pra heta paviedamiŭ namieśnik ministra ŭnutranych spraŭ — načalnik hałoŭnaha ŭpraŭleńnia hramadzkaj biaśpieki j specyjalnaj milicyi, hienerał‑major milicyi Viktar Filistovič.
Pavodle jaho słoŭ, planujecca, što kančatkovy varyjant novaha vadzicielskaha paśviedčańnia źjavicca da 2011 hodu. U paraŭnańni ź ciapierašnim jano budzie mieć dadatkovuju stupień achovy.
Akramia taho, novyja vadzicielskija pravy buduć całkam adpaviadać mižnarodnym patrabavańniam da hetaha typu dakumenta, što daść ich uładalnikam dadatkovyja pieravahi pry znachodžańni za miažoj.
Tym nia mienš, paśla ŭviadzieńnia paśviedčańnia novaha ŭzoru pravodzić poŭnuju ich zamienu ŭ Biełarusi nie planujecca. Na pieršapačatkovym etapie jany buduć vydavacca tolki tym, chto atrymlivaje pravy pieršy raz, udakładniŭ namieśnik ministra.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty17
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary