Słavienija ź siońniašniaha dnia zrabiła značna bolš žorstkimi abmiežavalnyja miery pa pryjomie mihrantaŭ na svaich pryhraničnych punktach. Pra heta zajaviła ministr unutranych spraŭ krainy Viasna Žnidar.
«My dziejničajem jašče humanna, a tak mahli b naohuł zakryć miažu», — zajaviła Žnidar. Pavodle jaje słoŭ, uviedzienyja raniej abmiežavańni ŭ vyhladzie dazvołu na ŭjezd u krainu tolki tym mihrantam, jakija chočuć atrymać prytułak u Hiermanii i Aŭstryi, ciapier uzmocnienyja i kolkasnymi pakazčykami.
«My ŭvodzim kvoty, anałahičnyja aŭstryjskim, — zajaviła ministr. — Ciapier Słavienija budzie prymać nie bolš za 3,2 tys. mihrantaŭ u dzień dla tranzitu i nie bolš za 80 čałaviek z tych, chto choča padać prašeńnie ab atrymańni statusu biežanca ŭ krainie», — prakamientavała situacyju ministr.
Pa słovach Žnidar, pryniatyja miery byli ŭzhodnienyja zahadzia. «My znachodzimsia ŭ ciesnym uzajemadziejańni pa situacyi ź mihrantami z našymi aŭstryjskimi kalehami i atrymali papiaredžańni zahadzia, — raspaviała ministr. — Ja spadziajusia, što z Charvatyjaj u nas taksama nie budzie roznahałośsiaŭ pa hetym pytańni», — padahulniła jana.
Pa słovach Žnidar, dla «Słavienii zastajecca vielmi važnym toje, jak budzie pavodzić siabie Charvatyja». «My spadziajemsia, što Zahrab nie praciahnie viaści palityku chutčejšaj pierapraŭki mihrantaŭ praz svaju terytoryju ŭ krainy Jeŭropy», — dadała ministr.
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni7
Kamientary