Respublikanskaje hramadskaje abjadnańnie «Biełaruskaje kazactva» płanujecca rearhanizavać u «Biełaruskaje kazačaje vojska», zajaviŭ viarchoŭny ataman arhanizacyi Mikałaj Ułachovič, vystupajučy na pazačarhovym siomym vialikim kruzie kazakoŭ, jaki prachodzić 6 lutaha ŭ Minsku.
Jon adznačyŭ, što abjadnańnie było stvoranaje 20 hadoŭ tamu. «Za hety čas hałoŭnaja meta — adradžeńnie biełaruskaha kazactva, liču, vykananaja. Ciapier nieabchodna stvarać «Biełaruskaje kazačaje vojska», nakštałt tych, jakija dziejničajuć u Rasii», — skazaŭ Ułachovič.
Pry hetym jon padkreśliŭ, što stvareńnie kazackaha vojska nieabchodna pravieści ŭ adpaviednaści z zakanadaŭstvam Biełarusi.
Ułachovič adznačyŭ, što asnoŭnaj zadačaj kazakoŭ źjaŭlajecca voinskaja słužba. Nieabchodnaść stvareńnia kazackaha vojska ŭ Biełarusi jon patłumačyŭ i tym, što naša dziaržava miažuje z krainami NATA.
Pavodle jaho słoŭ, Biełarusi nieabchodnyja spakoj i paradak, a nie chaos. Takija arhanizacyi, jak Partyja BNF, jon nazvaŭ «paraŭnalnymi z «Isłamskaj dziaržavaj»». Pry hetym biełaruskich kazakoŭ viarchoŭny ataman ličyć antyfašystami. «My chočam vyraścić mocnych ducham vajaroŭ, vychavanych na ideałach patryjatyzmu i pravasłaŭja», — zajaviŭ Ułachovič.
U mierapryjemstvie biaruć udzieł prykładna 80 čałaviek.
Nahadajem, što Ułachovič źjaŭlaŭsia kandydatam u prezidenty 2015 hodu; pavodle aficyjnych dadzienych, za jaho prahałasavała 1,7% vybarščykaŭ.
Ciapier čytajuć
«Jana była spartyŭnaj dziaŭčynaj». Što viadoma pra zahinułuju pasažyrku deltapłana, jaki ŭpaŭ pad Minskam1
Kamientary