Sud Pružanskaha rajona pryznaŭ byłoha dyrektara AAT «Ružany-Ahra» vinavatym u chabarnictvie i pryhavaryŭ da dziesiaci hadoŭ pazbaŭleńnia voli z kanfiskacyjaj majomaści.
«Były dyrektar sielhastavarystva Vasil Charuta pryznany vinavatym u atrymańni chabaru ŭ asabliva bujnym pamiery, jaki skłaŭ bolš 25 tysiač dalaraŭ ZŠA, za stanoŭčaje rašeńnie pytańnia pa nabyćci va ŭłasnaść AAT «Ružany-Ahra» abjekta nieruchomaści, jaki naležaŭ adnoj z kamiercyjnych struktur, a taksama za rašeńnie pytańnia ab apłacie pastavak karmavych dabavak i vietpreparataŭ kamiercyjnym strukturam, — raspavioŭ staršynia suda rajona Uładzimir Saŭčuk. — Jon asudžany pa častkach 2 i 3 art.430 Kryminalnaha kodeksa. Pa č.4 art.210 KK (zavałodańnie majomaściu słužbovaj asobaj z vykarystańniem svaich słužbovych paŭnamoctvaŭ hrupaj asob pa papiaredniaj zmovie ŭ asabliva bujnym pamiery) jaho apraŭdali pa pryčynie adsutnaści sastavu złačynstva».
Pa paŭtornaści złačynstvaŭ były dyrektar asudžany na 10 hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu z kanfiskacyjaj majomaści. Akramia hetaha, jon na piać hadoŭ pazbaŭleny prava zajmacca kiraŭnickaj dziejnaściu i zajmać pasady, źviazanyja z ulikam, zachoŭvańniem i rasparadžeńniem tavarna-materyjalnymi kaštoŭnaściami.
U košt kanfiskacyi majomaści asudžanaha źviernuty spahnanyja ŭ jaho hrašovyja sumy: zvyš za 232 tysiač dalaraŭ ZŠA, 9 tysiač jeŭra i 730 miljonaŭ biełaruskich rubloŭ.
Pryhavor nie ŭstupiŭ u zakonnuju siłu i moža być abskardžany.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty51
Kamientary