Užo ź lutaha minimalny zarobak ukrainskaha žaŭniera padymiecca da 7 000 hryŭniaŭ (kala $260) z 2341 hryŭni, paviedamiŭ sajt Ministerstva abarony Ukrainy.
Heta zarobak biez premii za ŭdzieł u Antyterarystyčnaj apieracyi.
Dapłata za ŭdzieł u ATA stanie fiksavanaj — toj, chto znachodzicca ŭ zonie ATA, atrymlivaje 1 200 hryŭniaŭ u miesiac, toj, chto znachodzicca na pieršaj linii abarony, atrymlivaje 4 200 hryŭniaŭ.
Taksama buduć dadatkovyja vypłaty desantnikam, śpiecnazaŭcam, techničnamu piersanału (ekipažam tankaŭ i braniatechniki), artylerystam, lotčykam i marakam.
Mabilizavanyja buduć atrymlivać takija ž zarobki plus zarobak na pakinutym miescy pracy.
Taksama žaŭniery atrymlivajuć premijalnyja vypłaty za paśpiachovaje vykanańnie bajavych zadańniaŭ i niepasredny ŭdzieł u bajavych dziejańniach, piša Juryj Birukoŭ, daradca prezidenta Ukrainy.
«Nie zvažajučy na ekanamičnyja ŭmovy, upieršyniu ŭ historyi našaj dziaržavy hrašovaje zabieśpiačeńnie vajskoŭcaŭ budzie bolšym za siaredni zarobak u Ukrainie», — adznačyŭ ministr abarony Ukrainy Ściapan Pałtarak.
Adnačasova rezka padvyšanyja hrašovyja pakarańni za parušeńnie dyscypliny — naprykład, za znachodžańnie ŭ stanie ałkaholnaha apjanieńnia.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4848
Kamientary