Naminalny naličany siaredniamiesiačny zarobak u studzieni—listapadzie 2015 skłaŭ 6 656,5 tys. rubloŭ, u tym liku ŭ listapadzie — 6 748,8 tys. rubloŭ, i pavialičyŭsia ŭ paraŭnańni ź listapadam 2014 h. na 8,6%. Razam z tym realny zarobak (zarabotnaja płata, raźličanaja z ulikam rostu spažyvieckich cen na tavary i pasłuhi) u listapadzie 2015 u paraŭnańni z kastryčnikam 2015 źmienšyłasia na 1,8%, paviedamlaje Nacyjanalny statystyčny kamitet.
Siaredni zarobak u Biełarusi padaje čaćvierty miesiac zapar, a ŭ pieraliku na dalary, pavodle siaredniaŭzvažanaha kursu ŭ listapadzie (17 778,22), heta — amal 380 dalaraŭ.
Treba adznačyć, što ŭ kastryčniku siaredniaja zarpłata składała 409 dalaraŭ, a ŭ śniežni minułaha hoda jana była roŭnaja 621 dalara.
U biudžetnych arhanizacyjach siaredniamiesiačnaja zarabotnaja płata ŭ studzieni—listapadzie 2015 skłała 5 251,9 tys. rubloŭ i ŭ realnym vyražeńni pavialičyłasia na 3,3%. U listapadzie hetaha hoda siaredniaja zarabotnaja płata biudžetnych arhanizacyj skłała 5 293,2 tys. rubloŭ (298 dalaraŭ).
U listapadzie 2015 u pramysłovaści siaredniaja zarabotnaja płata skłała 7 306,8 tys., u budaŭnictvie - 7 949,3 tys., na transparcie i ŭ suviazi — 7 669,2 tys., u sielskaj i lasnoj haspadarcy — 4734, 6 tys., u adukacyi — 4 921,4 tys., u tym liku nastaŭnikaŭ — 5977 tys., prafiesarska-vykładčyckaha składu — 8 298,4 tys. rubloŭ.
Zarabotnaja płata rabotnikaŭ achovy zdaroŭja ŭ listapadzie 2015 skłałasia ŭ pamiery 5 593,3 tys. rubloŭ. Siaredniaja zarabotnaja płata ŭračoŭ skłała 8 978,3 tys. rubloŭ, siaredniaha miedycynskaha piersanału — 5 577,5tys. rubloŭ.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary