Намінальны налічаны сярэднямесячны заробак у студзені—лістападзе 2015 склаў 6 656,5 тыс. рублёў, у тым ліку ў лістападзе — 6 748,8 тыс. рублёў, і павялічыўся ў параўнанні з лістападам 2014 г. на 8,6%. Разам з тым рэальны заробак (заработная плата, разлічаная з улікам росту спажывецкіх цэн на тавары і паслугі) у лістападзе 2015 у параўнанні з кастрычнікам 2015 зменшылася на 1,8%, паведамляе Нацыянальны статыстычны камітэт.
Сярэдні заробак у Беларусі падае чацверты месяц запар, а ў пераліку на даляры, паводле сярэдняўзважанага курсу ў лістападзе (17 778,22), гэта — амаль 380 даляраў.
Трэба адзначыць, што ў кастрычніку сярэдняя зарплата складала 409 даляраў, а ў снежні мінулага года яна была роўная 621 даляра.
У бюджэтных арганізацыях сярэднямесячная заработная плата ў студзені—лістападзе 2015 склала 5 251,9 тыс. рублёў і ў рэальным выражэнні павялічылася на 3,3%. У лістападзе гэтага года сярэдняя заработная плата бюджэтных арганізацый склала 5 293,2 тыс. рублёў (298 даляраў).
У лістападзе 2015 у прамысловасці сярэдняя заработная плата склала 7 306,8 тыс., у будаўніцтве - 7 949,3 тыс., на транспарце і ў сувязі — 7 669,2 тыс., у сельскай і лясной гаспадарцы — 4734, 6 тыс., у адукацыі — 4 921,4 тыс., у тым ліку настаўнікаў — 5977 тыс., прафесарска-выкладчыцкага складу — 8 298,4 тыс. рублёў.
Заработная плата работнікаў аховы здароўя ў лістападзе 2015 склалася ў памеры 5 593,3 тыс. рублёў. Сярэдняя заработная плата ўрачоў склала 8 978,3 тыс. рублёў, сярэдняга медыцынскага персаналу — 5 577,5тыс. рублёў.
Цяпер чытаюць
Сталі вядомыя падрабязнасці пра трагедыю ў Полацкім манастыры3
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары