Supracoŭniki brytanskich hatelaŭ raspaviali pra samyja dziŭnyja prośby pastajalcaŭ
Śpis samych mudrahielistych pytańniaŭ i prośbaŭ, jakija pastupili ad haściej za apošnija 18 miesiacaŭ, skłali rabotniki sietki z 506 hatelaŭ Travelodge u Vialikabrytanii, piša «Vokruh śvieta».
Na pieršym miescy akazałasia pytańnie, jakoje padajecca dziŭnym, vidać, tolki brytancam: «Chahis — heta žyvioła?» I havorka ŭ dadzienym vypadku nie pra viadomuju marku padhuźnikaŭ, a pra nacyjanalnuju šatłandskuju stravu z baranovych vantrobaŭ (haggis).
Dalej u śpisie iduć naiŭnyja pytańni: «U kolki pačynajecca paŭnočnaje źziańnie?» i «Kali Łach-Neskaja pačvara vychodzić da naviedvalnikaŭ?» Paviesialili supracoŭnikaŭ hatela pytańni ab tym, dzie možna znajści Cameron's Northern Powerhouse (na samaj spravie Northern Powerhouse — heta ekanamičny prajekt brytanskaha premjer-ministra Devida Kemierana) i kali Bih-Ben kładziecca spać.
U tupik piersanał pastaviła prośba pieradać čajkam, kab kryčali cišej (viadoma, što siarod usich ptušak brytancaŭ bolš za ŭsio razdražniajuć čajki). Ździviła supracoŭnikaŭ i pytańnie ab tym, jak na vakzale Kinhs-Kros sieści ŭ ciahnik da Chohvartsa — škoły viadźmarstva i čaraŭnictva ź sieryi knih pra Hary Potera.
Taksama pastajalcy prasili supracoŭnikaŭ hatela znajści čałavieka, jaki moh by zładzić dla ich šmatkanfiesijnaje viasielle; zrabić tak, kab miesiac hladzieŭ u akno numara, bo hość źbiraŭsia zrabić prapanovu dziaŭčynie vyklučna pry śviatle miesiaca, arhanizavać Kalady ŭ lipieni i spynić marafon na toj čas, kali pastajalcu budzie treba pakinuć horad.
Kamientary