Vizit Dzieda Maroza ŭ dziciačy sadok treba ŭzhadniać z kiraŭnictvam i baćkoŭskim kamitetam
Zaprašać u dziciačyja sady na navahodnija ranišniki pryvatnaha Dzieda Maroza možna tolki pa ŭzhadnieńni z kiraŭnictvam ustanovy i baćkoŭskim kamitetam.
Pra heta paviedamiła namieśnik načalnika adździeła vychavaŭčaj i ideałahičnaj raboty kamiteta pa adukacyi Minharvykankama Nadzieja Vialikaja siońnia na pres-kanfierencyi, adkazvajučy na pytańnie adnosna zabarony ŭ dziciačych sadach na pasłuhi pabočnych arhanizacyj pa praviadzieńni śviataŭ.
«Zabarony na zaprašeńnie zboku niama, — skazała Nadzieja Vialikaja. — Va ŭstanovach adukacyi horada pracujuć papiačycielskija saviety i baćkoŭskija kamitety. Pierš, čym zaprasić pryvatnuju strukturu, nieabchodna źviarnucca da kiraŭnika ŭstanovy adukacyi i papiačycielski saviet. Kali baćki chočuć arhanizavać dla svaich dziaciej śviata z pryvatnaj arhanizacyjaj, kali łaska, nichto nie zabaraniaje. Abmiarkujcie heta pytańnie z kiraŭnictvam ustanovy adukacyi, papiačycielskaha savieta, baćkoŭskaha kamiteta, ahavarycie canu pytańnia, jakaść prahramy».
Razam z tym jana padkreśliła, što ŭstanovy adukacyi Minska hatovy akazać prafiesijnyja pasłuhi ŭ arhanizacyi zabaŭlalnych mierapryjemstvaŭ, u tym liku śviatkavańni Novaha hoda. U stalicy funkcyjanujuć 23 ustanovy dadatkovaj adukacyi, u tym liku 12 — šmatprofilnych. Jany adkazvajuć za jakaść teatralizavanych mierapryjemstvaŭ. «Našy režysiory-pastanoŭščyki, piedahohi rychtujuć prahramy i mierapryjemstvy haradskoha, respublikanskaha značeńnia, u tym liku prafiesijna padychodziać da teatralizavanych pakazaŭ dla dziaciej. Za pasłuhi pryvatnych arhanizacyj my nie niasiom adkaznaści, — zaŭvažyła Nadzieja Vialikaja. — Kali baćki dumajuć, što za $500 atrymajuć jakasnuju prahramu, to mohuć pamylacca».
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje9
Kamientary