Ciomnaja historyja z zatrymanym na vakzale «bajevikom»: «Naša Niva» znajšła jahonyja staronki FB i Tvitar

Mutnaja historyja z hetym mužykom, zatrymanym na vakzale.

Biełaruś zatrymlivaje bajca «Pravaha siektara» (!).

Z vybuchoŭkaj (!).

I pistaletam (!).

I ŭkrainskaj simvolikaj. I davierčaj hramataj ad «PS» (!).

Dziakujučy pilnaści milicyi na vakzale (!).

Bo jon byŭ u broniku, i toj bronik vypiraŭ (!). Ale praź miažu to jon pierajechaŭ biez prablem.

A jašče ŭ jaho była maska z prareziami dla vačej (o-O).

I voś z usim hetym jon jechaŭ na radzimu.

Viadoma, vajavali ŭ Danbasie, u tym liku, nieadekvaty ŭsiakija. Ale ŭsia hetaja infarmacyja vyhladaje jak śpiektakl, razyhrany dla Rasii i miascovaj publiki.

Možna było b padumać, što takoha čałavieka nasamreč niama, jak nie było ŭ 2010-m armatury ŭ haražy ŭ Malinaŭcy, a pierad vybarami 2015-ha — dvuchsot bajevikoŭ, zatrymanych na miažy.

Adnak «Naša Niva», supastaviŭšy fakty, pryjšła da vysnovy, što dadzieny čałaviek usio-taki realny i, prynamsi, jość.

Voś, imavierna, jahonaja staronka ŭ fejsbuku.

Na joj, što praŭda, niama śviežych fotaŭ.

Na razmytych kadrach, raspaŭsiudžanych pres-słužbaj Śledčaha kamiteta, jon brunet. Voś jany:

Ale infa pra aŭtara dadzienaj staronki supadaje ź infarmacyjaj pra zatrymanaha. Jamu 28 hadoŭ, jon z Navapołacka, miescam žycharstva paznačany Danieck. Na staroncy šmat ukrainskaj infarmacyi i miemaŭ na temy ATA.

Supastaviŭšy infarmacyju, my znajšli i staronku ŭ Tvitary, jakaja moža naležać hetamu čałaviek: twitter.com/drugduk. A voś supolnaść-lusterka hetaj staronki ŭ fejsbuku.

Mahčyma, jamu ž naležyć voś hetaja nie zusim adekvatnaja staronka: čałaviek choča stać deputatam Jeŭraparłamienta.

Nie zusim adekvatnaj padajecca i jahonaja aŭtabijahrafija-reziume, raźmieščanaja ŭ internecie. Siarod svaich papiarednich miescaŭ raboty jon nazyvaje Apieratyŭna-analityčny centr Biełarusi, a šukaje… rabotu prajektnaha mieniedžara pa refarmavańni «Naftahazu» Ukrainy z zarobkam 11000 jeŭra za miesiac. Ci to žart, ci to nie.

Pavialičyć

Kali pamiatajecie, razdavaŭ ŚMI intervju taki bajec-biełarus «Druh Duk», jaki narakaŭ, što Ukraina nie śpiašajecca davać hramadzianstva bajcam-zamiežnikam.

Tady kazali, što jon psichałahična dziŭny čałaviek. Moža być i nieadekvatam. Što jašče było dziŭna, što z narakańniami vystupaje čałaviek, jaki časta jeździć u Biełaruś i nazad.

Dadzieny «Druh Duk» u taktyčnuju hrupu «Biełaruś», što abjadnoŭvaje biełarusaŭ-dobraachvotnikaŭ, nie ŭvachodziŭ.

Błohier 1863x.com hovorit, čto etot čiełoviek bieskoniečno pristavał ko vsiem v intiernietie so vsiakimi fantastičieskimi idiejami. «Kohda čitaješ takuju fihniu, to v hołovie voźnikajut słova «trołl», «skazočnik», «pojechavšij». Poetomu, lično ja jeho voobŝie nie vosprinimał vsieŕjoz, dumaja, čto čiełoviek libo postojanno prikałyvajetsia, libo živiot v kakom-to svojom fantastičieskom mirkie», — piša 1863x.com.

Što rabiŭ hety «Druh» va Ukrainie? Ci byŭ na froncie? Dla čaho jon viartaŭsia ŭ Biełaruś? Što aznačaje zbroja? Była jana jahonaja ci jamu jaje padkinuli? Ci jon adekvatny? Kali tak, to ci manipulavany? Hetyja pytańni pakul zastajucca biez adkazu.

• 0
• 0
• 0
• 0
• 0
• 0
• 0
• 0