Biełaruś – na druhim miescy siarod krain dla ahraturyzmu ŭ rejtynhu National Geographic
Suśvietna viadomy časopis National Geographic na svaim sajcie pravioŭ hałasavańnie na najlepšyja napramki dla turyzmu. Pa vynikach Biełaruś zaniała druhoje miesca ŭ śviecie ŭ naminacyi «Ahraturyzm», sastupiŭšy tolki Italii.
Naviedvalniki sajta National Geographic hałasavali za svaje lubimyja napramki padarožžaŭ z 29 červienia pa 10 listapada. U hałasavańni pryniali ŭdzieł bolš za 240 tysiač čałaviek. Usiaho ŭ premii było 18 naminacyj, siarod jakich — «hastranamičny turyzm», «siamiejny adpačynak», «ekaturyzm», «plažny adpačynak» i h.d.
U naminacyi «Ahraturyzm» pieramahła Italija (26% hałasoŭ), na druhim miescy — Biełaruś (22%), na trecim — Słavakija (20%). Na žal, bolš Biełaruś ni ŭ jakich naminacyjach nie trapiła ŭ top-3. Da taho ž varta adznačyć druhoje miesca Hruzii ŭ naminacyi «hastranamičny turyzm» – za jaje addali hałasy 18% karystalnikaŭ, što ŭsiaho na 3% mienš, čym u pieramožcaŭ – viadomaj svaimi kulinarnymi pośpiechami Francyi.
Kamientary