Duraŭ raskazaŭ, što dumaje pra Maska, Cukierbierha i Altmana
Adkazy byli vietlivymi, ale krytyčnymi.
U vialikim intervju žurnalist Le Point spytaŭ zasnavalnika Telegram Paŭła Durava jahonaje mierkavańnie pra inšych technahihantaŭ — Iłana Maska, Marka Cukierbierha i Sema Altmana.
Tak, žurnalist zaznačyŭ, što Durava časam paraŭnoŭvajuć ź Iłanam Maska.
«Tak, ale my vielmi roznyja. Iłan kiruje niekalkimi kampanijami adnačasova, tady jak ja kiruju tolki adnoj. Iłan moža być vielmi emacyjnym, u toj čas jak ja starajusia hłyboka razvažać pierad tym, jak dziejničać», — skazaŭ Duraŭ i dadaŭ, što emacyjnaść Maska moža być krynicaj jaho siły.
Pra zasnavalnika Facebook Marka Cukierbierha Duraŭ skazaŭ, što toj dobra adaptujecca i chutka idzie za tendencyjami, ale, «zdajecca, jamu nie staje fundamientalnych kaštoŭnaściaŭ, jakim by jon zastavaŭsia viernym, niezaležna ad źmien palityčnaha klimatu ci mody ŭ technałahičnaj śfiery».
Pra Sema Altmana, stvaralnika OpenAI, matčynaj kampanii ChatGPT, Duraŭ skazaŭ, što toj «vałodaje vydatnymi sacyjalnymi navykami, što dazvoliła jamu naładzić sajuzy vakoł ChatGPT».
Ale Duraŭ namiaknuŭ, što paśla sychodu z kampanii suzasnavalnika i viadučaha suśvietnaha ekśpierta pa mašynnym navučańni Illi Suckieviera pavisła pytańnie, ci praciahniecca hety pośpiech.
«Ci zastajecca jaho techničnaja kampietencyja dastatkovaj ciapier, kali Illa i šmatlikija inšyja navukoŭcy pakinuli OpenAI? Budzie cikava sačyć za raźvićciom ChatGPT i ich zdolnaściu zastavacca napieradzie va ŭsio bolš kankurentnym asiarodździ», — skazaŭ Duraŭ.
-
Pad mierkavanym miescam pachavańnia Isusa raskryli 2000‑hadovuju tajamnicu, jakaja supadaje ź biblejskim apisańniem
-
U śviecie jość mieduza, jakaja moža žyć viečna
-
NASA zapłaciła startapu $30 miljonaŭ, kab uratavać teleskop Swift. Ciapier aparat, jaki dvaccać hadoŭ naziraŭ za hibiellu zorak, sam zharyć u atmaśfiery
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary
Test kiejs:
1. Zahružajem Telegram
2. Znachodzim supołku <>
3. Atrymoŭvajem prapanovu ab raspaŭsiudžvańni sintetyčnych narkotykaŭ u Minsku
Mnie cikavyja dumki h-na Durava, ale..nie na voli. Mnie cikava budzie pačuć jaho dumki, pra kaho zaŭhodna, ale ŭ inšym interjery: kamiera, kraty, pa-francuzku darahi advakat.