Hałoŭnym śledčym upraŭleńniem Śledčaha kamiteta rasśledujecca kryminalnaja sprava ŭ dačynieńni da słužbovych asob zakrytaha akcyjaniernaha tavarystva «Delta-Bank». Padazravanymi pa spravie pryznany: były staršynia praŭleńnia [staršynioj naziralnaj rady byŭ ukrainski miljanier Mikałaj Łahun], jaho namieśnik i dva členy rady dyrektaraŭ, paviedamlaje pres-słužba Śledčaha kamiteta.
Kryminalnaja sprava ab naŭmysnym bankructvie i ŭtojvańni ekanamičnaj niepłaciežazdolnaści banka zaviedziena Departamientam finansavych rasśledavańniaŭ KDK Respubliki Biełaruś u mai 2015 hoda.
Padčas papiaredniaha rasśledavańnia ŭstanoŭlena, što bankructva ZAT «Delta Bank» źjaviłasia śledstvam niezakonnaha vyvadu hrašovych srodkaŭ i kapitału banka šlacham zaklučeńnia šerahu niezakonnych i niavyhadnych dahavoraŭ kredytavańnia z padkantrolnaj adnamu z členaŭ rady dyrektaraŭ kampanijaj, zarehistravanaj u afšornaj zonie — dziaržavie Bieliz.
Zhadanyja top-mieniedžary na praciahu niekalkich hadoŭ (2012-2014 hady), vykarystoŭvajučy finansavyja miechanizmy fiducyjarnaha kredytavańnia praz bankaŭskija ŭstanovy Karaleŭstva Lichtenštejn i Aŭstryjskaj Respubliki, a taksama rachunki dla apieracyj z kaštoŭnymi papierami ŭ Łatvijskim banku, arhanizavali zaklučeńnie ździełak pa vydačy kredytaŭ kampanii na sumu bolš za 12 miljonaŭ dalaraŭ ZŠA.
Akramia taho, śledstvam ustanoŭleny fakt nabyćcia kaštoŭnych papier na sumu zvyš 16 miljonaŭ dalaraŭ ZŠA na niavyhadnych dla banka umovach.
Z metaj utojvańnia miechanizmu vyvadu hrošaj i pryčynieńnia škody, padazravanymi hetyja źviestki naŭmysna nie adbivalisia ŭ finansavaj spravazdačnaści bankaŭskaj ustanovy. Heta paciahnuła niedakładnaje farmiravańnie pakazčykaŭ dastatkovaści narmatyŭnaha i asnoŭnaha kapitału, pradstaŭlenaj ŭ Nacyjanalny bank Respubliki Biełaruś. U vyniku adbyłosia niesvoječasovaje vyjaŭleńnie niepłaciežazdolnaści i materyjalnaj škody, pryčynienaj kredytoram i samomu ZAT «Delta-Bank».
Dziejańni padazravanych kvalifikavanyja pa č. 4 art. 210 (kradziež šlacham złoŭžyvańnia słužbovymi paŭnamoctvami), art. 239 (utojvańnie ekanamičnaj niepłaciežazdolnaści), č.2 st.240 (naŭmysnaja ekanamičnaja biezhruntoŭnaść) Kryminalnaha kodeksa Respubliki Biełaruś. Rasśledavańnie praciahvajecca.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary