U Baranavičach u tranšei znojdziena prysypanaje hruntam cieła 31-hadovaha mužčyny
Baranavicki mižrajonny adździeł Śledčaha kamiteta pravodzić pravierku pa fakcie śmierci 31-hadovaha žychara Baranavičaŭ.
Jak paviedamiła aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, prysypanaje hruntam cieła mužčyny znojdziena ranicaj 27 kastryčnika ŭ Baranavičach kala tranšei dla kładki hazavaha abstalavańnia pablizu čyhunačnaha vakzała.
Zahinuły pracavaŭ zvarščykam u arhanizacyi, jakaja zajmałasia rabotami na hetym učastku, i nie ŭdzielničaŭ ŭ raskopcy tranšei.
Pavodle papiaredniaj infarmacyi, 26 kastryčnika mužčyna viarnuŭsia na abjekt paśla zaviaršeńnia pracoŭnaha dnia i pačaŭ šukać u hetaj tranšei niejkija kaštoŭnaści. Pavodle słoŭ jaho kaleh, jakija znajšli cieła mužčyny, toj cikaviŭsia mahčymaściu adšukać u hruncie artefakty.
Padčas ahladu miesca zdareńnia pobač z zahinułym znojdziena łapata. Dla ŭstanaŭleńnia dakładnaj pryčyny śmierci rabočaha pryznačana sudova-miedycynskaja ekśpiertyza.
U hetaj suviazi USK pa Bresckaj vobłaści zaklikała hramadzian samavolna nie vykonvać raboty, jakija patrabujuć adpaviednaha dazvołu, i nie ryzykavać svaim žyćciom.
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary