Baskaŭ, Babkina, Kirkoraŭ — kamu jašče ŭručali orden Francyska Skaryny? VIDEA
24 kastryčnika 2015 hoda Alaksandr Łukašenka asabista ŭručyŭ orden Francyska Skaryny rasijskamu kampazitaru Viktaru Drobyšu. Što heta za ŭznaharoda?
Orden Francyska Skaryny uručajecca za raźvićcio biełaruskaj kultury albo za humanitarnuju, dabračynnuju dziejnaść.
Pieršaje ŭznaharodžvańnie adbyłosia jašče ŭ 1997 hodzie, tady orden atrymaŭ mastak Michaił Savicki. Ź ciaham času razdača ŭznaharody pajšła na patok. Kavalerami stali bolš za 150 čałaviek — siarod ich takija zasłužanyja pierad Biełaruśsiu ludzi, jak Ihar Łučanok, Jaŭhien Hlebaŭ, Uładzimir Mulavin…
Asablivy intares u hramadskaści vyklikała ŭznaharodžvańnie zamiežnikaŭ. Naprykład, kavalerami ličacca francuzski madeljer Ṕjer Karden, były hienieralny dyrektar MAHATE Machamied al-Baradei, brytancy, jakija kuryravali prajekt «Dzieci Čarnobyla».
Asabliva šmat ordenaŭ Francyska Skaryny atrymali rasijskija palityki – Barys Jelcyn, Juryj Łužkoŭ, Hienadzij Sielaźnioŭ.
Taksama siarod kavaleraŭ pradstaŭniki rasijskaj pop-kultury, časta nizkaprobnaj. «Naša Niva» nahadvaje, chto ź ich, pavodle dziaržavy, spryčyniŭsia da raźvićcia biełaruskaj kultury, i sprabuje znajści ich suviaź ź Biełaruśsiu.
2000 hod. Alaksandra Pachmutava
Muzyka da niekatorych chitoŭ «Pieśniaroŭ», naprykład, «Biełaviežskaja pušča» i «Biełoruśsija», napisanaja mienavita Pachmutavaj.
2006 hod. Nadzieja Babkina
Papularyzatar rasijskaj narodnaj pieśni ŭ Biełaruś traplała tolki padčas kancertaŭ, hod za hodam za ščodryja hanarary naviedvajučy «Słavianski bazar».
2006 hod. Mikałaj Baskaŭ
Alaksandru Łukašenku nadzvyčaj padabajecca «Šarmanka». Heta ŭsio, što dastatkova viedać pra Baskava i orden Francyska Skaryny.
2010. Juryj Antonaŭ
Saviecki śpiavak vyras u Maładziečnie, kudy pieraviali jahonaha baćku-vajskoŭca.
2012 hod. Filip Kirkoraŭ
U siaredzinie 2000-ych Kirkoraŭ dapamahaŭ biełaruskim udzielnikam na «Jeŭrabačańni» i nadta pakryŭdziŭsia, što jaho nie ŭznaharodzili. Praŭda, na pytańnie, chto taki Francysk Skaryna, tak i nie adkazaŭ.
2015 hod. Viktar Drobyš
Kampazitar nie pracavaŭ ź biełaruskimi vykanaŭcami, zatoje pravodziŭ dziacinstva ŭ Łojeŭskim rajonie, dzie žyli jaho svajaki.
Ciapier čytajuć
Stali viadomyja padrabiaznaści pra trahiedyju ŭ Połackim manastyry8
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary