Na 37-m čempijanacie śvietu pa armrestlinhu biełarusy zavajavali try miedali

Try miedali pryvieźli biełarusy z 37-ha čempijanatu śvietu pa armrestlinhu, jaki prachodziŭ z 27 vieraśnia pa 4 kastryčnika ŭ Kuała-Łumpury (Małajzija). U spabornictvach udzielničali 764 spartsmieny z 50 krain, paviedamiŭ 9 kastryčnika na pres-kanfierencyi ŭ Breście Viktar Bratčenia, jaki zavajavaŭ na čempijanacie dva załatyja miedali (u spabornictvach na pravuju i levuju ruki). Jon vystupaŭ siarod paralimpijcaŭ u vahavoj katehoryi da 80 kiłahramaŭ. 

Pavodle jaho słoŭ, jašče załaty miedal na hetym suśvietnym pieršynstvie (na levuju ruku) siarod vieteranaŭ u vahavoj katehoryi da 100 kiłahramaŭ u Siarhieja Sierhiela z Baranavič. Usiaho na hetych spabornictvach vystupała piać biełaruskich atletaŭ.

«Ciapier ja dziesiacirazovy čempijon śvietu. Hetuju metu ja pastaviŭ pierad saboj šmat hadoŭ tamu, — skazaŭ Bratčenia. — Zaraz ja chaču stać dvaccacirazovym uładalnikam uznaharody vyšejšaj proby na suśvietnym pieršynstvie, tamu daviadziecca jašče padnapružycca». 

Jon adznačyŭ, što ŭ Kuała-Łumpury vyjšaŭ u finał spabornictvaŭ na pravuju ruku z adnym paražeńniem. «Heta byŭ taktyčny projhryš. Ja adčuŭ, što mahu atrymać traŭmu. I ciapier možna havaryć: zrabiŭ pravilna», — reziumavaŭ Bratčenia. 

Jon padkreśliŭ, što na čempijanat śvietu pajechaŭ adrazu paśla ŭdziełu ŭ suśvietnych hulniach IWAS, jakija prachodzili ŭ Sočy. 

«Upieršyniu ŭ prahramu hulniaŭ byŭ uklučany armrestlinh. I ja nie moh ich prapuścić. Tam zavajavaŭ dva siarebranyja miedali: na pravuju i na levuju ruki, — dapoŭniŭ Bratčenia. — Na hetych hulniach ja vystupaŭ adzin ad Biełarusi. Darečy, pa armrestlinhu ŭ našaj krainy treciaje ahulnakamandnaje miesca. Tak što i adzin ŭ poli voin». 

Bratčenia skazaŭ, što niadaŭna atrymaŭ zaprašeńnie z Amieryki ŭziać udzieł u sakaviku 2016 hoda ŭ mižnarodnym spartyŭnym fiestyvali Arnold Classic, jaki pravodzić Arnold Švarceniehier. «Pakul tam nie było nivodnaha pradstaŭnika z našaj krainy. Budu razmaŭlać sa sponsarami, i kali atrymajecca, abaviazkova pajedu», — zajaviŭ spartsmien. 

Tryccacihadovy Viktar Bratčenia žyvie ŭ pasiołku Matykały Bresckaha rajona, pačaŭ zajmacca sportam u 15 hadoŭ. Jon zasłužany majstar sportu. Trenirujecca doma, dzie ŭ jaho abstalavanaja spartyŭnaja zała. U Bratčeni 20 załatych, 13 siarebranych i 6 bronzavych miedaloŭ, zavajavanych na čempijanatach śvietu i Jeŭropy, a taksama na kubkach śvietu.

• 0
• 0
• 0
• 0
• 0
• 0
• 0
• 0