Jany atrymajuć 72 sa 135 mandataŭ u katałonskim parłamiencie. Ale razam jany zdabyli tolki 48% hałasoŭ.
Na miascovych vybarach u Katałoni pieramahajuć prychilniki niezaležnaści. Paśla apracoŭki 92% pratakołaŭ kaalicyja Junts pel Si (Razam za «Tak»), stvoranaja praviačaj partyjaj SDC Artura Masa i levaj ERC atrymaje 62 miescy, ich patencyjny sajuźnik CUP (Kandydatura narodnaha adzinstva) zdabyŭ 10 miescaŭ u parłamiencie z 135 deputataŭ.
C's («Hramadzianie») nabirajuć ad 19 da 21 miesca, Sacyjalistyčnaja partyja Katałonii ad 14 da 17, Catalunya Sí que es Pot ad 12 da 14, Narodnaja partyja premjera Ispanii Rachoja — 10 miescaŭ.
Kiraŭnik Katałonii Artur Mas vykazaŭ upeŭnienaść, što žychary vobłaści zrabili vybar na karyść niezaležnaści rehijonu ad Ispanii.
«My pieramahli! Katałoncy skazali «tak» niezaležnaści», - skazaŭ premjer na mitynhu prychilnikaŭ u Barsiełonie.
Jany ŭ pierśpiektyvie źbirajucca abviaścić refierendum, abo abviaścić praz paŭtara hoda niezaležnaść, što nie pryznaje Madryd i abiacajecca błakavać.
U vybarach uziali ŭdzieł kala 76% čałaviek (pravam hołasu vałodaje 5,5 młn čałaviek).
Kamientary