Śledčy kamitet zaviaršyŭ rasśledavańnie kryminalnaj spravy suprać hrupy rabotnikaŭ aŭtaškoł.
Jašče viasnoj pravaachoŭniki zatrymali siem čałaviek: čatyroch majstroŭ vytvorčaha navučańnia pryvatnych aŭtaškoł, namieśnika dyrektara adnoj ź ich, byłoha majstra vytvorčaha navučańnia i niepracujučaha svajaka adnaho ź instruktaraŭ.
Ašukancy prapanoŭvali kursantam aŭtaškoł, užo jakija zdali tearetyčny i ŭnutrany praktyčnyja ispyty, dapamahčy zdać praktyčny ispyt — vyjezd u horad. Jany kazali navučencam, što majuć damovu z supracoŭnikami DAI, jakim nibyta treba dać chabar. Pry hetym złamyśniki nie źbiralisia pieradavać hrošy ŭ DAI, a rasparadžalisia imi jak chacieli.
Śledčyja vyjavili 15 faktaŭ zavałodańnia hrašyma na ahulnuju sumu 4200 dołaraŭ. Dziejańni abvinavačanych kvalifikavanyja jak padbuchtorvańnie da dačy chabaru i machlarstva. Dvuch abvinavačanych z momantu zatrymańnia trymajuć pad vartaj. Astatnija dali padpisku ab jaŭcy i naležnych pavodzinach.
Śledčyja pieradali kryminalnuju spravu prakuroru dla nakiravańnia ŭ sud.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje9
Kamientary